aMarkus 9:44 - Izere New Testament

⁴⁴ Azong azhizhi'me kus baꞌ, a ta kyem a riming kuro̱ng'e baꞌ.]

aMarkus 9:44 Referans Kwoze

aMarkus 9:43

Ke kubo̱k wan ta sak wan ta nye rine̱n ne i te̱n. I ta ka nar ta no̱ kaye̱e̱r kasa kutser be kubo̱k kuzining be tana no̱ kaye̱e̱r kasa kuro̱ng be ibo̱k ifa. Naro̱ kuro̱ng'e ta ku nigaan'e baꞌ. [

aMarkus 9:45

Ke kutak wan ta sak wan ta nye rine̱n ne i te̱n. I ta ka nar ta no̱ kaye̱e̱r kasa kutser be kutak kuzining be tana no̱ kaye̱e̱r kasa kuro̱ng be atak wan afa. [

aMatiyu 3:12

Kube wu se nubo̱k wu. A tà tas áwhe̱'me ne a korok iwe̱ng'e kaye̱e̱r ingme̱ ne a shosh awhe̱'me be kuro̱ng kuya sang ku tana ku baꞌ.”

aMatiyu 25:41

“Ne a fe̱ be áya a ta se nubo̱k rimen wu ame ye, ‘Kam yin be mi, yin aya a tá ma ka fiming yin, no̱ yin kaye̱e̱r kuro̱ng kufe izen izen, kuya a ta tsang a nye kamok Ishetan be ámaleka wu.

aMatiyu 25:46

“Aner ayu ne á tá no̱ kaye̱e̱r risam kufe izen izen, amma aya a ta se gye̱r nasho̱o̱n Adakunom ta se̱ kutser kufe izen izen.”

aMarkus 9:48

naro̱ “ ‘azhizhi'me ta kus baꞌ, ne a kyem a riming kuro̱ng'e baꞌ.’

2 aTasalonika 1:9

Á tù ku te̱n ba amok riku rife izen izen, á tù ku ro ba nasho̱o̱n Agwo̱m Ágwo̱m'me ne nasho̱o̱n kukyem kuyiik wu.

Ike̱ng a ta tonong aYohana 14:10

wu gip a tà so̱ ashi riye̱ kubeseng Adakunom, aya a tá nye be agap wu kaye̱e̱r kures riye̱ kubeseng wu. A tù ku no̱o̱k risam dide̱ng be kuro̱ng ne ike̱ng ikak kyo̱ndi itong abindiga itong ikak nasho̱o̱n ámaleka ázhe̱l'e ne nasho̱o̱n Aturuk'e.

Ike̱ng a ta tonong aYohana 20:10

Ne amaan aner, aya a tá ka wo̱ro̱k ba ame, a tù ku barak kaye̱e̱r icen kuro̱ng kuya ku ta cishek dide̱ng ne itong ikan kyo̱ndi ife abindiga. A tù ku barak naro̱ kazining be kukewum ame ne áner kuzarap afe abo̱o̱s ame. Á tà so̱ risam azong kunom be katuk ma izen izen.

Ike̱ng a ta tonong aYohana 20:15

Koangan afe a ta se̱ riyerek wu kaye̱e̱r kufumung kutser'e baꞌ, a tú barak kaye̱e̱r icen kuro̱ng ame.

Ike̱ng a ta tonong aYohana 21:8

Áner aya a tá fok inyim be áfe a tá gaar kuno̱o̱k katsak ne áfe amaan kunye ne áfe kufe̱s ánerawe be áfe kunye rikuna be áfe a tá ya kukur, be áfe a ta ya ike̱re̱ iduk iben cei be áfe abo̱o̱s, karo̱ kusor ba se kaye̱e̱r icen kuro̱ng be itong ikan i ta se kyo̱ndi ife abindiga. Iyu ne i ta nye riku rife̱ afa.”