aMarkus 9:43 - Izere New Testament

⁴³ Ke kubo̱k wan ta sak wan ta nye rine̱n ne i te̱n. I ta ka nar ta no̱ kaye̱e̱r kasa kutser be kubo̱k kuzining be tana no̱ kaye̱e̱r kasa kuro̱ng be ibo̱k ifa. Naro̱ kuro̱ng'e ta ku nigaan'e baꞌ. [

aMarkus 9:43 Referans Kwoze

aMatiyu 25:41

“Ne a fe̱ be áya a ta se nubo̱k rimen wu ame ye, ‘Kam yin be mi, yin aya a tá ma ka fiming yin, no̱ yin kaye̱e̱r kuro̱ng kufe izen izen, kuya a ta tsang a nye kamok Ishetan be ámaleka wu.

Ibrani 12:1

Kamok anong, kum ánerawe áfe á ta kuus rife̱ yir kuse whe̱re̱ á ta min gorok yir na, won i tu ku barak yir koakye ike̱ng i tanin te̱ne̱ng yir, be koakye kuni rine̱n ri ta kyem ri tin te yir afartak zizirik. I naka tsesek yir ta teng yir itsi iya i ta se nasho̱o̱n yir.

aMatiyu 5:22

Amma mi fe̱ be yin kyo̱o̱rna'me ye, aner aya ne riye̱ wu beseng be aronyining wu, a tú ku to̱ amok. Koangan ne a fe̱ be aronyining wu ye a nye ‘Azizik'e’ a tà tseng be wu nasho̱o̱n áko̱k kasho̱o̱n. Koangan ne a yis afudang ye, ‘Afunam akak,’ a kyem ke a no̱ kaye̱e̱r kasa kuro̱ng.

aGalati 5:24

Áfe a ta nye afe aYeso Kiristi n fe̱r kuse rinerawe be kunye amaan ike̱re̱ iriri'me ne iya kuro̱m ta shim.

aMatiyu 3:12

Kube wu se nubo̱k wu. A tà tas áwhe̱'me ne a korok iwe̱ng'e kaye̱e̱r ingme̱ ne a shosh awhe̱'me be kuro̱ng kuya sang ku tana ku baꞌ.”

aTitus 2:12

Ritek'e ti bo̱so̱p yir iren kufe̱ ye, wayo be kuse kuri kuya Adakunom ta shim baꞌ, ne amaan kushim ike̱re̱ kazatse, nong ta yiir yir rice yir, ne i se yir zhe̱l ne i be yir kuse kuri kufe Adakunom kaye̱e̱r izam iyuna.

aKolosi 3:5

Kamok anong ni tun yin riye̱ natoon ike̱re̱ kazatse na, ike̱re̱ kyo̱ndi, kunye rikuna be kunye kpe̱de̱ng be rinyisi rikan be amaan kuse ne amaan kudi ike̱ng, iyong gip i se kyo̱ndi ku kuus itsi.

aRom 8:13

Kamok ke yin sor yin kaye̱e̱r kuse rinerawe, yin tà kus yin. Amma ke yin sor yin kaye̱e̱r Kabik, ne yin won yin kunye rine̱n, yin ta se̱ yin kutser.

aLuka 14:13

Ke wan tà yis ánerawe nong á tá be̱ yas, yis áfe rizor be ákun ne áfe a ta yising ne ákpato̱o̱n.

1 aBitrus 2:1

Kamok anong, kam yin be koakye kuri amaan kuse, be abo̱o̱s ne akardak kuse be rishishim be kpe̱de̱ng rife̱ cei.

1 aKoranti 9:27

Wayo, mi no̱o̱k kuro̱m'i risam nong ase̱ ku tin me̱ ninye ike̱ng iya riye̱ mi ta shim, fan mi be rice mi a bin won kpe̱de̱ng nama mi tan taas ákak Rife̱ Ritek aYeso'me.

aLuka 14:21

“Asam'me tú bun a tá be̱ tak atekasa wu kuto̱'me. Riye̱ atekasa'me beseng, yong a fe̱ be asam'me ye, ‘Tseng, ni nanu íren ne atsirik agbang kuwo̱p gbashak nong ta be̱ be áfe rizor be ákun ne ákpato̱o̱n ne áfe a ta yising.’

aMatiyu 17:27

Gip be anong, nong fan ánerawe bu beseng aye̱ be yir, tseng nudung ta se te agunung wan. Sok izos ife ime̱se̱ng'e wan ta yiir nong ta ngamang kanu'me, wan tà se̱ ica itso̱m kaye̱e̱r'e. Sok tá su ku karang mo ba itso̱m inaan be ifuan.”

aMarkus 9:44

Azong azhizhi'me kus baꞌ, a ta kyem a riming kuro̱ng'e baꞌ.]

aLuka 3:17

Kube wu se nubo̱k wu, a tanin tas alikama a tan she̱sh, ne a tusung iwe̱ng'e kaye̱e̱r ingme̱, ne a shosh áwhe̱'me be kuro̱ng kuya sang a tana riming baꞌ.”