aMarkus 9:42 - Izere New Testament

⁴² “Koangan ne a sak azining kaye̱e̱r inoon nazhizhe̱k'e na, naya na tin no̱o̱k katsak natoon'i, ta nye rine̱n. I ta nar ke a tu rosom kuta ako̱ nuto̱ nong a tu ku barak kaye̱e̱r agbang kudung.

aMarkus 9:42 Referans Kwoze

aMatiyu 18:6

“Ke aner akak sak azining kaye̱e̱r azhizhe̱k'e na, aya a tá min no̱o̱k katsak natoon'i, ta nye rine̱n, i tu ku nar a tu ku roos agbang kuta ako̱ nong a tu ku barak kaye̱e̱r agbang kudung tsik.

aMatiyu 18:10

“Sak yin riye̱ sang yin tu zhe̱e̱sh yin azining kaye̱e̱r azhizhe̱k'e na baꞌ, kamok mi kun ka tak yin ye, ámaleka ba kaye̱e̱r kaza yiir iye̱re̱k kanyisi Ada mi a ta se kaye̱e̱r kaza.

2 aKoranti 6:3

Yir shim yir akak tin turuk kutak natoon yir baꞌ, fan itomong yir bu se̱ narik.

aRom 16:17

Kusuk yin ároneng, sak yin riye̱ be áfe a ta shim á ta shik kugung rice yin ne á ka sak yin ta kpas yin nike̱ng iya á tá ma ka bo̱so̱p yin'e. Kam yin be ba.

aRom 14:13

Kamok anong, tu naka to̱ yir amok baꞌ. Koangan ra sok kaye̱e̱r riye̱ wu ye sang wu ta sor ike̱ng iya i tana sak akak tanin turuk kutak ka a tin kpa baꞌ.

2 aBitrus 2:2

Ánerawe whe̱re̱ tà kuus akpe̱de̱ng kuse ba. Kamok kunye ba, ánerawe'me ákak tà te be iren katsak'e fe̱re̱.

Itomong Ámanzo 9:4

Ayong Ashawulu'me kpa kaben ne a fok kuto̱ tá fe̱ be wu ye, “Ashawulu, Ashawulu, akye̱ sak wan sen ni tabak e̱?”

1 aTimoti 5:14

Mi nar ku shim ákumung áya a ta ru nye nanamang ra nye iwe̱ne̱ng nong á ta tes inoon ne á ni sak riye̱ ninasa ba fan á bu no̱o̱k ámudo̱n iren naborok.

aFilipi 1:10

nong ase̱ yin ta kyem i kasa yin ike̱re̱ iya i ta nar'e cei, ne kuse kuzhe̱l, dar ritok ma nizen iya aKiristi tana be̱.

aRom 15:21

Kyo̱ndi i ta se ni izibir, “Áya á tu ku tak ba itak wu baꞌ, tu ku di, áya a ta kun ku fok baꞌ, tu ku ren.”

aMatiyu 17:27

Gip be anong, nong fan ánerawe bu beseng aye̱ be yir, tseng nudung ta se te agunung wan. Sok izos ife ime̱se̱ng'e wan ta yiir nong ta ngamang kanu'me, wan tà se̱ ica itso̱m kaye̱e̱r'e. Sok tá su ku karang mo ba itso̱m inaan be ifuan.”