aMarkus 9:39 - Izere New Testament

³⁹ Amma aYeso fe̱ be ba ye, “Sang tu ku ro̱n yin'e baꞌ. Kamok aner akak kuse a tana nye ike̱ng azhing kaye̱e̱r riyerek'i ne a bun a fe̱ ike̱ng ikak imaan'e natoon mi baꞌ.

aMarkus 9:39 Referans Kwoze

1 aKoranti 12:3

Kamok anong mi shim yin tu ren yin ye, aner akak kuse aya a ta be Kabik Adakunom a tana fe̱ ye, “A ra fiming aYeso baꞌ.” Akak kyem a ta fe̱ ye, “aYeso nye Agwo̱m Ágwo̱m” baꞌ, ma ke a be Kabik Kazhe̱l'e.

aFilipi 1:18

To̱, i ta daam baꞌ. Ke á taas kaye̱e̱r katsak ka be amaan kuto̱ naye̱ ba, mi ren itak aKiristi ne ba taas kaye̱e̱r koakye iren. Kamok anong, mi be riye̱ rikan. Katsak'e, mi ta ya kasho̱o̱n be kunye riye̱ rikan.

1 aKoranti 9:27

Wayo, mi no̱o̱k kuro̱m'i risam nong ase̱ ku tin me̱ ninye ike̱ng iya riye̱ mi ta shim, fan mi be rice mi a bin won kpe̱de̱ng nama mi tan taas ákak Rife̱ Ritek aYeso'me.

aMarkus 9:38

aYohana fe̱ be wu ye, “Aner kubo̱so̱p, yir di yir aner akak, a ta sen turung amaan nabik kaye̱e̱r riyerek wan yong yir fe̱ yir be wu ye a ra won kamok wu nye azining kaye̱e̱r yir baꞌ.”

aMarkus 9:40

Kamok aner aya a ta ka ra yin baꞌ, se mak be yin.