aMarkus 9:25 - Izere New Testament

²⁵ Nizen aYeso ta di rigwo̱m ánerawe be naro̱'me zizirik. Ayong a tigba amaan kabik'e ye, “Wan kabik rigbato be rigbanu, mi fe̱ be wan be agbang kuto̱ ye, ‘Wuruk kaye̱e̱r wu, tu ba no̱ kaye̱e̱r wu gbak baꞌ.’ ”

aMarkus 9:25 Referans Kwoze

Itomong Ámanzo 16:18

Kanamang'e te inom gaan ne ka yiir fe̱ anong ma ike̱ng'e daam aBulus dide̱ng. Iyong aBulus kirik a tá fe̱ be kabik'e ye, “Mi fe̱ be wan kaye̱e̱r riyerek aYeso Kiristi ye wuruk tu ku won.” Kum aBulus tá fa fe̱ anong ne kabik'e wor ka ku won.

aLuka 9:42

Nizen igon'e tá saase, amaan kabik'e tú barak kaben ne a tiim, iyong aYeso tigba amaan kabik'e ne a sak igon'e tá te katser ne a no̱o̱k atek'e.

aMarkus 9:15

Kum nizen ánerawe'me cei ta di aYeso azhing ta yiir ba dide̱ng ne á teng nong a ta su ku nye ashou.

aMatiyu 17:18

Ayong aYeso zhe̱e̱r amaan kabik ame ne ka wuruk kaye̱e̱r igon ame. Ne igon ame wor ka te katser.

aZhud 1:9

Amma aMakel, a tá nye ako̱k kasho̱o̱n ámaleka, nizen iya a tin ko̱n natoon kukom aMusa be Ishetan gip, a fe̱ ike̱ng ikak imaan'e natoon wu baꞌ. Amma a fe̱ be wu, ye, “Agwo̱m Ágwo̱m ta ka tigba!”

aLuka 11:14

aYeso tun itseng i ta sak rigbanu na aner akak. Nizen itseng'e tá wuruk, agbanu'me kpaan kufe̱ kanu. Ánerawe whe̱re̱ á tá se azong te zhing.

aLuka 8:29

A fe̱ anong kamok aYeso tsang a fe̱ be ítseng'e ye, i ra wuruk kaye̱e̱r aner'e. Ítseng'e n me̱ ne i ku daam anong, ne á ku rosom be idun atso̱m nibo̱k be atak, ne á ku fek, gip be anong ne a te̱se̱ng, ne ítseng'e tseng be wu katse.

aLuka 4:41

Ítseng gip i wuruk kaye̱e̱r ánerawe whe̱re̱, ne i tasak ye, “Wan nye Igon Adakunom.” Amma a tu tigba ba, ne a ka roon ba kufe̱ kanu, kamok ba ren ye wu ne a nye aKiristi.

aLuka 4:35

Ayong aYeso tú ku tigba ye, “Tigbik! Wuruk kaye̱e̱r wu.” Ne amaan kabik'e barak aner ame kaben nasho̱o̱n ba cei nong a ta wuruk dar ku kuman.

aMatiyu 12:22

Ayong a be̱ be aner akak nufe aYeso a tá nye akpato̱o̱n'e ne a nye agbanu'me gip a tá be amaan kabik. aYeso tú sak a ta te atser ne a di karo̱ ma a fe̱ kanu.

aMarkus 9:24

Zirik atek igon ame fe̱ ye, “Mi no̱o̱k katsak, ni se̱ mo be kudun no̱o̱k katsak'i.”

aMarkus 9:26

Amaan kabik'e ta kukun a tu barak ne tiim nong a ta wuruk. Ne igon'e te di kukom ma anerawe whe̱r fe̱ ye, “A ku.”