aMarkus 9:24 - Izere New Testament

²⁴ Zirik atek igon ame fe̱ ye, “Mi no̱o̱k katsak, ni se̱ mo be kudun no̱o̱k katsak'i.”

aMarkus 9:24 Referans Kwoze

aLuka 17:5

Ámanzo fe̱ be Agwo̱m Ágwo̱m'me ye, “Ni barang mo yir kuno̱o̱k katsak.”

Ibrani 12:2

Won tin sak yir anyisi na aYeso wu ne a ta nye ritin kuno̱o̱k katsak yir ne a nye aner aya a tana sak kuno̱o̱k katsak yir tanan mumak. A tsesek kaye̱e̱r risam riku wu kamok ike̱ng riye̱ rikan i ta se nasho̱o̱n. A fok isum riku wu natoon kukon baꞌ. Kyo̱o̱rna a se nusonong nubo̱k riya itsik rigwo̱m Adakunom.

Afisa 2:8

Ei, kamok ritek Adakunom ne yin ti se̱ yin kashesh ne kamok kuno̱o̱k katsak yin, sang kamok kunye yin baꞌ, amma Adakunom ne a no̱o̱k,

2 aTasalonika 1:11

Kamok anong, ne yir yiir ka nye yin aduwa ye̱r ye̱r ye Adakunom ra sak yin ta sor yin kuri kusor kuya a tá ka yis mo yin. Adakunom ra sak ta nye yin ike̱re̱ itek cice̱r iya yin ta shim yin tà nye yin ne itomong kuno̱o̱k katsak yin nong tà nye yin be agap kukyem wu.

2 aTasalonika 1:3

Ároneng, i se gye̱r yir ta yiir i tonong yir Adakunom riye̱ rikan yir ye̱rye̱r kamok yin. Anong se gye̱r kamok kuno̱o̱k katsak yin ta ya kasho̱o̱n dide̱ng, kushim yin tana ka shim yin nye ne kuni barang.

aFilipi 1:29

Kamok Adakunom sak ritek wu anong kamok yin tin no̱o̱k yin katsak na aKiristi tsek baꞌ, amma ta so̱ yin risam kamok wu gip,

2 aKoranti 2:4

Mi ta zibir yin'e ne mi se kaye̱e̱r risam ne riye̱ riwe dide̱ng ma be nanyisi sang nong ta ka sak yin riye̱ riwe baꞌ, amma nong yin ta ren yin ye mi ta shim yin dide̱ng.

Ibrani 5:7

Nizen aYeso tá se aze nazatse, a tá kuto̱ naza a tá nye aduwa ne a nye izong be nanyisi nufe Adakunom aya a tana kyem a ku shesh kaye̱e̱r riku. Adakunom tú fok kamok a nye aner a tá mees rice.

Itomong Ámanzo 10:31

A tá fe̱ ye, ‘aKoneliyus, Adakunom n fok aduwa wan ne a yiring be kutobok kuya wan tá tobok áfe rizor.

2 aTimoti 1:4

Izen iya ne mi yiring be nanyisi wan ne a ni te ke mi ka di nong ase̱ riye̱ mi ta men.

aLuka 7:44

aYeso kirik nabas afe abining ame, a tá fe̱ be aSiman ye, “Wan di abining na a? Mi be̱ kari wan, wan ti no̱o̱k ashi tanin kusu atak'i baꞌ, amma wu shu atak'i be nanyisi wu, a tá re̱ng be nakuyo̱ng wu.

aLuka 7:38

A tá te cing na atak aYeso a tá tos, ne nanyisi wu ni kpas natak aYeso, ne a re̱ng nanyisi'me be nakuyo̱ng wu, a kunung atak aYeso'me nong a tin kon name iko̱o̱n itek ame.

Ibrani 12:17

Nama a tá nye anong, a shim atek tú ku te kuce̱ ma be nanyisi, a se̱ baꞌ, kyo̱ndi yin ta ren yin. Kamok a shim a tá shishing ike̱ng iya wu tá nye, a ra kyem'me baꞌ.

Itomong Ámanzo 10:19

aBitrus tá ru to̱ natoon ike̱ng iya wu tá di ame, iyong Kabik fe̱ be wu ye, “aSiman, áner akak ba ataar ta tse̱r.

aMarkus 9:23

Ayong aYeso tú ku rip ye, “Wan di ane̱, wan ta fe̱ ye, ‘Ke wan ta kyem e̱?’ Koakye ike̱ng nye ife kunye nufe aner aya a ta no̱o̱k katsak.”

aMarkus 9:25

Nizen aYeso ta di rigwo̱m ánerawe be naro̱'me zizirik. Ayong a tigba amaan kabik'e ye, “Wan kabik rigbato be rigbanu, mi fe̱ be wan be agbang kuto̱ ye, ‘Wuruk kaye̱e̱r wu, tu ba no̱ kaye̱e̱r wu gbak baꞌ.’ ”