aMarkus 9:23 - Izere New Testament

²³ Ayong aYeso tú ku rip ye, “Wan di ane̱, wan ta fe̱ ye, ‘Ke wan ta kyem e̱?’ Koakye ike̱ng nye ife kunye nufe aner aya a ta no̱o̱k katsak.”

aMarkus 9:23 Referans Kwoze

aYohana 11:40

Ayong aYeso fe̱ be wu ye, “Mi di ye, mi tsang i ka tak ye, ke wan ti no̱o̱k katsak, wan tà di kuyiik Adakunom a?”

Ibrani 11:6

Akak ta kyem a kare̱p Adakunom riye̱ dar kuno̱o̱k katsak baꞌ, kamok koangan ne a be̱ nufu ma a ti no̱o̱k katsak ye wu kuse, ye a nyesek aya a tu ku tse̱r be katsak ishorong ba.

aMarkus 11:23

Katsak ne mi ta ka tak yin, koangan ne a fe̱ be rifan na ye, ‘Dorok nong ta se kpa kaye̱e̱r agbang kudung’ sang be agak riye̱ baꞌ, amma be riye̱ rizining ike̱ng iya wu ta fe̱ ye i ra nye, i tà nye.

aMatiyu 17:20

aYeso fe̱ be ba ye, “Kamok kuno̱o̱k katsak yin gop baꞌ. Won ta ka tak yin katsak'e, ke a fa fe̱ ye kuno̱o̱k katsak yin se hiir kyo̱ndi ica amusta ke yin kyem i fe̱ yin be kawhanang na ye, ‘Dorok aze ta be aza,’ ka tà dorok. Ike̱ng ikak tà ka gaar yin kunye baꞌ.”

aLuka 17:6

Iyong Agwo̱m Ágwo̱m'me fe̱ be ba ye, “Yin fa be yin kuno̱o̱k katsak hiir kyo̱ndi ica naya a ta yis ye amusta, ke yin fe̱ yin be agbang kakon na ye, ‘Wuruk be atsip wan nong ta se nyeseng kaye̱e̱r agbang kudung,’ ka ta kuus ike̱ng iya yin tá fe̱ yin.”

Itomong Ámanzo 14:9

A sonong a tá foos ike̱ng iya aBulus tá fe̱. aBulus ti sak anyisi ni wu yong a di aner ame tá min no̱o̱k katsak ye wu tà te atser.

aMarkus 9:22

In me̱ ne i ku barak nuro̱ng be nashi nong i tu ku fe̱r. Ke wan ta kyem i nye ike̱ng ikak ne, fok kuro̱ riye̱ yir nong tin se̱ mo yir.”

aMarkus 9:24

Zirik atek igon ame fe̱ ye, “Mi no̱o̱k katsak, ni se̱ mo be kudun no̱o̱k katsak'i.”

aMatiyu 14:29

aYeso fe̱ be wu ye, “Be̱.” Ayong aBitrus wuruk kaye̱e̱r kukpara ashi'me a ta san kutseng natoon ashi ame a be nufe aYeso.