aMarkus 9:20 - Izere New Testament

²⁰ Ayong á tu be̱e̱n igon'e. Nizen amaan kabik ame ta di aYeso, a wor a sak ikap igon ame kpaan tiim. Ne igon'e kpa kaben a biring be ace̱ fuk fuk nanu wu.

aMarkus 9:20 Referans Kwoze

aMarkus 1:26

Ámaan nabik'e tú zuur aner ame. I tá kukun nong i tá wuruk.

aLuka 4:35

Ayong aYeso tú ku tigba ye, “Tigbik! Wuruk kaye̱e̱r wu.” Ne amaan kabik'e barak aner ame kaben nasho̱o̱n ba cei nong a ta wuruk dar ku kuman.

1 aBitrus 5:8

Yiir yin rice yin ne i sak yin riye̱ kamok amudo̱n yin Ishetan tsang a kar kyo̱ndi azaki a tsang a muus kamok a tse̱r aner aya wu tana fe̱r.

aYohana 8:44

Yin nye yin áfe ada yin, Ishetan. Kamok anong, yin shim tà nye yin ike̱ng iya wu tá shim. Wu nye aner kufe̱s ánerawe kum ni ime̱se̱ng'e. A shim katsak baꞌ, kamok a be katsak'e baꞌ. Izen iya ne a bo̱ naborok, a fe̱ ike̱ng ife i ta nye igo̱o̱n wu, kamok wu nye aner abo̱o̱s, ne a nye ada áfe abo̱o̱s.

aLuka 9:42

Nizen igon'e tá saase, amaan kabik'e tú barak kaben ne a tiim, iyong aYeso tigba amaan kabik'e ne a sak igon'e tá te katser ne a no̱o̱k atek'e.

aLuka 8:29

A fe̱ anong kamok aYeso tsang a fe̱ be ítseng'e ye, i ra wuruk kaye̱e̱r aner'e. Ítseng'e n me̱ ne i ku daam anong, ne á ku rosom be idun atso̱m nibo̱k be atak, ne á ku fek, gip be anong ne a te̱se̱ng, ne ítseng'e tseng be wu katse.

aMarkus 9:26

Amaan kabik'e ta kukun a tu barak ne tiim nong a ta wuruk. Ne igon'e te di kukom ma anerawe whe̱r fe̱ ye, “A ku.”

aMarkus 9:18

Nizen iya ne i tu dorok, i tu barak kaben ne a turung ace̱ nanu ne ya anyi ne ikap wu te tso̱ng. Mi rip álimazhiri Wan ye, á ru ku tun amaan kabik'e, amma á kyem a tun baꞌ.”

aMarkus 9:19

Ayong aYeso fe̱ ye, “Kaꞌ. Yin ánerawe izam na, i ta won dar i no̱o̱k yin katsak, mi ta sor ma ane̱ nong tana ka tsesek be yin e̱? Be̱e̱n yin igon'e aze.”

aMarkus 9:21

aYeso rip atek igon'e ye, “Kum na akye̱ izen ne a se na e̱?” Atek'e fe̱ ye, “Kum ne a ruresek hiir.

aLuka 9:39

Amaan kabik tu daam ma a tang kukun, ne i ku barak kaben ne a tiim ma a turung ace̱ fuk fuk nanu, i wor i tu won baꞌ, ne i nye kyo̱ndi i tu ku fe̱r.