aMarkus 8:6 - Izere New Testament

⁶ Ayong aYeso fe̱ be ánerawe ame ye á ra sosok kaben. Ne a sok ágbang abiredi kanataar ame, ne a tá tonong riye̱ rikan be Adakunom ne a te̱se̱ng nong a ta no̱o̱k alimazhiri wu, nong a ta kasap rigwo̱m ánerawe ame. Álimazhiri'me nye anong.

aMarkus 8:6 Referans Kwoze

aKolosi 3:17

Koakye ike̱ng iya yin tana nye yin, ko kaye̱e̱r kufe̱ kanu ko kaye̱e̱r kunye ike̱ng, nye yin cice̱r kaye̱e̱r riyerek aYeso Agwo̱m Ágwo̱m, ne i tonong yin Adakunom riye̱ rikan kamok wu.

aRom 14:6

Koangan afe a ta sok kunom kukak yiik ye ku nar ribir'e nye anong nong a tin tiyiik Agwo̱m Ágwo̱m wu. Koangan afe a ta ya koakye kuri rinam nye anong nong a tin tiyiik Agwo̱m Ágwo̱m wu. Kamok nong a tin tonong riye̱ rikan be Adakunom be rinam'e. Aner aya a ta ya koakye kuri rinam baꞌ, nye anong gip nong a tin tiyiik Agwo̱m Ágwo̱m wu kamok nong a tin tonong riye̱ rikan wu be Adakunom.

aYohana 6:23

Ne akpara ákak a ta nye azhizhe̱k'e a tá ne na aTibariya be̱ azong bubarak be karo̱ kaya ánerawe tú ku ya abiredi aya aYeso tin nye aduwa natoon ame.

aYohana 2:5

Iyong anyining aYeso fe̱ be ásam'me ye, “Nye yin koakye ike̱ng a tana fe̱ ye i ru nye yin.”

aLuka 24:30

Nizen aYeso tá se be iya naya mak be ba, a sok abiredi, a tá tonong Adakunom riye̱ rikan, ne a te̱se̱ng ne a san ku nyesek ba.

aLuka 12:37

I ta sor ike̱ng riye̱ rikan ke atekasa'me be̱ ku se̱ ba an mereng ida baꞌ. Katsak'e ne mi tá ka tak yin, a tu ku sak ba á ta sosok ne a tun ares wu nong a tu ku no̱o̱k ba naya.

aMatiyu 26:26

A ta se be kuya naya'me, yong aYeso sok abiredi, a tin tonong riye̱ rikan be Adakunom ne a te̱se̱ng a tá fe̱ ye, “Inga ya yin, iyu nye kuro̱m'i.”

aMarkus 8:5

aYeso tú ku rip ba ye, “Agbang abiredi amang ne yin be yin e̱?” Ne ba fe̱ ye, “Kanataar.”

aMarkus 8:7

Ba be izos cie̱k gip. aYeso tonong riye̱ rikan wu be Adakunom ne bun a fe̱ be álimazhiri wu ye, á tu kasap ánerawe'me.

aMarkus 8:20

“Be izen afe mi ta ku te̱se̱ng ágbang'e kanataar ame kamok anerawe izungu inaas, iderse imang ne yin ku tusung yin ribir e̱?” Ne á fe̱ be aYeso ye, “Kanataar.”