aMarkus 8:35 - Izere New Testament

³⁵ Koangan afe a ta shim a ta shesh kutser wu, a tin wei. Afe a tin wei nutser wu kamok mi be Rife̱ Ritek, a ta shesh kutser wu.

aMarkus 8:35 Referans Kwoze

1 aKoranti 9:23

Mi nye anong kamok Rife̱ Ritek aYeso nong ase̱ mi tin se̱ kanu kanaan kaye̱e̱r Rife̱ Ritek'e.

2 aTimoti 1:8

Kamok anong sang tú fok isum kufe̱ itak natoon Agwo̱m Ágwo̱m yir baꞌ, ka isum'i kamok a tin te nitso̱m kamok wu baꞌ. Amma gung rice be mi kaye̱e̱r risam'me kamok Rife̱ Ritek'e ne i ni fereng nukyem Adakunom.

aLuka 17:33

Aner aya a ta shim a tà shesh kutser wu, a tin wei, aya ne a ti wei nutser wu a tà se̱ kashesh.

aMatiyu 16:25

Koangan afe a ta shim a tà shesh kutser wu, a tin wei, aner aya a ti wei nutser wu kamok'i a ta se̱.

aMatiyu 19:29

Koangan afe a tá won nasa wu ka áronyining wu ka ángasnyining ka atek wu ka ango̱ wu ka inoon wu ka ako̱ wu kamok riyerek'i, a ta se̱ ike̱ng iya i ta nar anong kuso̱k inyak ne a bun a se̱ kutser kufe izen izen.

aMatiyu 10:39

Aner aya a ta shim kutser wu, a tin wei mo, aner aya a ti wei nutser wu kamok mi a tà se̱.

2 aKoranti 12:10

Iyong ne i sak, kamok aKiristi, mi nye riye̱ rikan kaye̱e̱r kuraar'i, be ritok, ne risam mi ta so̱ ne kuri kutabak a tin tabak, be kuri kufirik a tin firik. Kamok nizen iya ne mi se kaye̱e̱r kuraar ne mi se̱ agap.

Itomong Ámanzo 9:16

Mi be rice mi, mi tù ku tonong kuri risam riya a tana so̱ kamok riyerek'i.”

aLuka 9:24

Koangan afe a ta shim a ta shesh kutser wu, a tin wei. Afe a tin wei nutser wu kamok'i, a tà shesh kutser wu.

Ike̱ng a ta tonong aYohana 12:11

Áronyining yir tú ku canang kamok naso̱k Aturuk'e ne kamok ike̱ng ife ba tá fe̱, kamok á tú ku teng riku baꞌ.

aMatiyu 10:22

Ánerawe cice̱r tà ka ranyin kamok mi, amma aner aya ne a nyeseng be agap ma nigang'e, a tà se̱ kashesh.

Ike̱ng a ta tonong aYohana 2:10

Sang tu fok inyim risam wan tana so̱ baꞌ. Won ta ka tak, Amaan Aner tà te ákak yin nitso̱m nong a ta ka bo̱mo̱ng yin ne a ka tabak yin ma kuko̱s kuso̱k. Amma nyeseng be agap nong ko a ta ka fe̱r kamok mi, mi tà ka no̱o̱k ishorong kutser kufe izen izen.

Itomong Ámanzo 21:13

Iyong aBulus fe̱ ye, “Akye̱ sak yin tos yin e̱? Yin tse̱r yin ikap'i ta te̱r a? Mi n no̱o̱k riye̱ mi sang kamok a tin rosom tsek baꞌ, ko a tin fe̱r na aUshalima kamok riyerek aYeso a ta nye Agwo̱m Ágwo̱m gip, to̱ tsek.”

Ike̱ng a ta tonong aYohana 7:14

Iyong mi fe̱ be wu ye, “Atekasa, wan ren.” Ayong a fe̱ ye, “Áner na ne á nye áner aya a tá wuruk na amaan risam án kusu ares ba be naso̱k Aturuk'e á ta te akan pes.”

Ibrani 11:35

Kuno̱o̱k katsak sak ányining ákak bun a se̱ áner ba á tan kus be kutser. Ákak so̱ risam makiyi, á shim nong á ta ka won ba baꞌ nong ase̱ á tà ka dorok ba be kutser ku tà nar kutek.

Itomong Ámanzo 20:24

Amma gip be anong, mi sok ye kutser'i nye ike̱ng ikak baꞌ. Kum ke mi kyem i gang ike̱ng iya mi tan sak nasho̱o̱n ne i gang itomong iya Agwo̱m Ágwo̱m yir aYeso ta min no̱o̱k (itomong kutaas ánerawe ritek Adakunom) iwe̱r'e yong.

aMarkus 8:36

Akye̱ kuri ike̱ng itek ne anerawe ta se̱, ke a se̱ kazatse na cei, amma ne a rin wei nutser wu e̱?