aMarkus 8:34 - Izere New Testament

³⁴ Ayong aYeso yis rigwo̱m anerawe ame be alimazhiri wu nong a ta fe̱ ye, “Koangan afe a ta shim a tin kuus, a ra rawu rice wu nong a ta sok kukon a tana ku tigak mo nong a tin kuus.

aMarkus 8:34 Referans Kwoze

aMatiyu 10:38

Aner aya ne a sok kukon ku kutigak wu be rice wu nong a tin kuus baꞌ, a kyem a ta te anaan baꞌ.

aYohana 10:27

Itamang'i fok kuto̱ mi, mi ta ren ba ne ba ni kuus.

aGalati 5:24

Áfe a ta nye afe aYeso Kiristi n fe̱r kuse rinerawe be kunye amaan ike̱re̱ iriri'me ne iya kuro̱m ta shim.

aGalati 2:20

A min tigak mak be aKiristi, sang mi ba sor kusor rice mi baꞌ, amma aKiristi ne a sor kaye̱e̱r'i. Kusor mi ta sor kaye̱e̱r kuro̱m, mi sor kamok mi min no̱o̱k katsak ni Igon Adakunom, afe a tin shim ma a no̱o̱k rice wu kamok'i.

1 aYohana 3:16

Yir ren yir ye kushim kufe katsak se ana, aYeso Kiristi no̱o̱k kutser wu kamok yir. Yir gip, yir tà no̱o̱k yir kutser yir kamok áfikuus áfudang yir.

aMatiyu 16:24

Ayong aYeso fe̱ be álimazhiri wu ye, “Ke akak shim a tin kuus ma a rawu rice wu ne a sok kukon ku kutigak wu ne ni kuus.

aFilipi 3:10

Mi shim ta ren aKiristi, mi shim tù ku ren be kukyem wu a tin dorok nure̱k ne mi gung rice be wu kaye̱e̱r risam wu ne riku wu.

aRom 8:17

To̱, ke i nye ye yir nye yir inoon'e, i nye ye yir nye yir áya kutse Adakunom, ta ya yir kutse'me mak be aKiristi kum ke i nye ye yir tà so̱ yir risam mak be wu nong ta se̱ yir kuyiik mak be wu.

aLuka 9:23

Ayong aYeso fe̱ be ba cice̱r ye, “Koangan afe a ta shim a tin kuus, a ra rawu rice wu nong a ta sok kukon a tana ku tigak mo koakye kunom nong a tin kuus.

aKolosi 3:5

Kamok anong ni tun yin riye̱ natoon ike̱re̱ kazatse na, ike̱re̱ kyo̱ndi, kunye rikuna be kunye kpe̱de̱ng be rinyisi rikan be amaan kuse ne amaan kudi ike̱ng, iyong gip i se kyo̱ndi ku kuus itsi.

aFilipi 3:7

Amma gip be ike̱re̱'ong mi sor ye, mi tin se̱ ishorong natoon'e, mi sok cei kyo̱ndi ike̱ng ikak baꞌ kamok aYeso Kiristi.

1 aBitrus 4:1

Kamok anong, kum aKiristi tá so̱ risam nuro̱m, to̱, yin gip nye yin kanye̱k kuso̱ risam kamok koangan aya ne a so̱ risam nuro̱m tonong ye wu n gang be rine̱n baꞌ.

aGalati 6:14

Adakunom rin roon kuka ma ke mi tin ya kuka be kutigak Agwo̱m Ágwo̱m yir aYeso Kiristi nukon, be riku wu ne mi ku ni ike̱re̱ kazatse na, ne ike̱re̱ kazatse ne ku ni mi.

1 aKoranti 15:31

Ároneng, mi ye̱re̱k riku koakye izen, katsak'e yong, mi ti nye kuka be yin kaye̱e̱r aYeso Kiristi Agwo̱m Ágwo̱m yir.

aRom 6:6

Yir ren yir ye an ti gak kuse yir kufe agbugbang kuri kufe rinerawe mak be wu fan ri bin be agap natoon yir. A nye anong fan i bu te yir ásam rine̱n baba.

aLuka 14:33

Anong ne yin gip, koangan ne ke a won koakye wu ta be nong a tin kuus baꞌ, a tà kyem a te alimazhiri mi baꞌ.

2 aBitrus 1:14

kamok mi ren mi m be̱ barak ta won kazatse na, kyo̱ndi Agwo̱m Ágwo̱m yir aYeso Kiristi tin tonong kanang.

1 aBitrus 4:13

Amma ban i nye yin riye̱ rikan, kamok yin ta gung yin rice be aKiristi kaye̱e̱r risam wu. Yin ta nye yin riye̱ rikan dide̱ng nizen iya a tana tonong kuyiik aKiristi'me.

aTitus 2:12

Ritek'e ti bo̱so̱p yir iren kufe̱ ye, wayo be kuse kuri kuya Adakunom ta shim baꞌ, ne amaan kushim ike̱re̱ kazatse, nong ta yiir yir rice yir, ne i se yir zhe̱l ne i be yir kuse kuri kufe Adakunom kaye̱e̱r izam iyuna.

aKolosi 1:24

Mi be riye̱ rikan kyo̱o̱rna be risam mi ta so̱ natoon yin, nong kamok risam'me mi tà shining ike̱ng iya i tà rusek kaye̱e̱r risam aKiristi tá so̱ kamok kuro̱m wu ku ta nye ikilisiya.

Itomong Ámanzo 14:22

ne á tsang á tsesek áfikuus ne a ku nyesek ba itabak ye á ra yiir rife̱ riya ba ta min no̱o̱k katsak be agap. Ne á fe̱ ye “Ma be risam dide̱ng nizham yir tà ra no̱ yir kaye̱e̱r rigwo̱m Adakunom.”

aLuka 18:22

aYeso tá fa fok anong, ne a fe̱ be wu ye, “Wan ru raar nike̱ng izining. Re̱e̱s koakye wan ta be, kasap áfe rizor itso̱m'e. Wan tà se̱ kurum naza nong ta be̱ tin kuus.”

aLuka 13:24

“Nye yin koakye yin tana kyem i nye yin nong tà no̱ yin nanu kutu ka ta se whe̱. Won tà ka tak yin, ánerawe whe̱re̱ ta shim kuno̱, á tà ra kyem á no̱ baꞌ.

aMatiyu 27:32

Á ta se be itseng be aYeso ame, ne á yin be aner aSirin akak a tú ku yis ye, aSiman, a tú ku te agap a tá cer kukon kutigak aYeso'me.

Ike̱ng a ta tonong aYohana 2:10

Sang tu fok inyim risam wan tana so̱ baꞌ. Won ta ka tak, Amaan Aner tà te ákak yin nitso̱m nong a ta ka bo̱mo̱ng yin ne a ka tabak yin ma kuko̱s kuso̱k. Amma nyeseng be agap nong ko a ta ka fe̱r kamok mi, mi tà ka no̱o̱k ishorong kutser kufe izen izen.

Ibrani 13:13

kamok anong i wuruk yir nong ta be yir nufe nama kuwo̱p, nong ta fok yir isum kyo̱ndi wu tá fok.

2 aTasalonika 3:11

Yir fok yir ye ákak kuse kaye̱e̱r yin á ta be karuur, sang á shim kunye itomong baꞌ, amma á tsang ni tes nanu rife̱ ánerawe.

1 aKoranti 9:19

Mi nye asam akak baꞌ, gip be anong mi sok rice mi kyo̱ndi asam koangan nong ase̱ ta ko̱ro̱k ánerawe whe̱re̱ nufe aKiristi.

1 aKoranti 8:13

Kamok anong, ke ike̱ng iya mi tana ya ta sak aroneng ta nye rine̱n, mi ta ba ya ike̱ng'e baꞌ, fan mi bu ku sak a ta kpa.

aYohana 19:17

Ayong ásozha dorok á tá tseng be aYeso. aYeso wuruk kaye̱e̱r kuwo̱p'e an cer kukon a tana ku tigak mo be rice wu, ma naro̱ a tá yis ye Karo̱ Áho̱karo̱k Ace. (Ni irem áner Aramiya a yis ye aGolgota.)

aLuka 20:45

Áfe á tá sen foos aYeso'me fok, a tá fe̱ be álimazhiri wu ye,

aMarkus 10:21

aYeso tu ye̱re̱k be kushim. Ayong a fe̱ be wu ye, “Wan ru raar nike̱ng izining tsek. Tseng ta se re̱e̱s koakye wan ta be, kasap áfe rizor itso̱m'e. Wan ta se̱ kurum naza nong ta be̱ tin kuus.”

aMarkus 7:14

Ayong aYeso bun a yis rigwo̱m ánerawe'me nong a tá fe̱ be ba ye, “Wesek yin kuto tin fok yin gye̱r.