aMarkus 8:31 - Izere New Testament

³¹ Ayong aYeso san ku kubo̱so̱p ba'me ye, Igon Anerawe ta so̱ iriri risam, ne áko̱k kasho̱o̱n be ágbang átsi ne áner kubo̱so̱p Itsi ku rawu, a tu ku fe̱r, nama inom itaar a ta bun a dorok be kutser.

aMarkus 8:31 Referans Kwoze

Itomong Ámanzo 7:35

“To̱, wu aMusa'me yong, ba tú ku rawu ne á fe̱ be wu ye, ‘Angan ne a ta sak wan ta te agwo̱m yir nong tin to̱ yir amok e̱?’ Adakunom be rice wu ne a tom aMusa nizen iya amaleka ti wuruk ni wu kaye̱e̱r rigyem kuro̱ng, nong a ta se shesh aner Isarela ne a te ako̱k kasho̱o̱n ba.

aYohana 2:19

aYeso tú shim ba'me ye, “Yirik yin kutu kuya Adakunom iben na, mi tà bun i no̱k kaye̱e̱r inom itaar.”

aLuka 24:26

Aser, sang ma aKiristi so̱ risam ike̱re̱ na cice̱r, a ta ra se̱ kuyiik wu aꞌa?”

aLuka 17:25

Ni ime̱se̱ng'e, a tà so̱ risam dide̱ng nizham ne ánerawe izam na ku rawu.

aMarkus 12:10

Aser, yin kun fa yin afumung na a? Kamok i se kaye̱e̱r izibir ye; “ ‘Kuta kuya áfe rino̱k tá raba, ne kute itsik ribor kutu.

aMatiyu 21:42

aYeso fe̱ be ba ye, “Aser, yin fa yin kaye̱e̱r rife̱ Adakunom aꞌa? “ ‘Kuta kuya áfe rino̱k tá raba kuyong ne ku te itsik ribor'e. Adakunom ne a nye anong. Iyu nye ike̱ng azhing nufe yir.’

aMatiyu 12:40

Kyo̱ndi aZhona ta te inom itaar, katuk be kunom kaye̱e̱r kafa agbang izos, anong ne Igon Anerawe ta te inom itaar katuk be kunom kaye̱e̱r iben.

1 aKoranti 15:4

ye a tú ne̱r, a tú dorok katuk afe ataar, kyo̱ndi kufumung rife̱ Adakunom ta fe̱.

aLuka 24:44

Ne a fe̱ be ba ye, “Ike̱ng mi ta ka tak yin'ong, kum ne mi rusek be yin, ye ma a shining koakye i ta se ni izibir natoon'i kaye̱e̱r Itsi aMusa tá zibir be afumung áner kuzarap Adakunom ne aZabura.”

aYohana 12:48

Aner kuto̱ amok kuse kamok aya a tin ramin ne a bun a rawu kushan rife̱ mi, rife̱ mi tá fe̱ tù ku to̱ amok katuk igang'e.

aMatiyu 27:63

Á tá fe̱ be wu ye, “Kunom ra be rigwo̱m, yir ru yiring yir be ike̱ng aner abo̱o̱s ame tá fe̱ kum ne a rusek be kutser ye nama inom itaar a ta bun a dorok be kutser.