aMarkus 8:2 - Izere New Testament

² “Mi fok kuro̱ riye̱ ánerawe na, án sor be mi inom itaar, amma á be ike̱ng ikak nong á ta ya baꞌ.

aMarkus 8:2 Referans Kwoze

aMatiyu 9:36

Nizen aYeso tá di ánerawe whe̱re̱, a ro̱ riye̱ ba, kamok á se nudaam, á be akak a tana ka tobok ba baꞌ. Á se kyo̱ndi itsamang dar afek.

Ibrani 5:2

A kyem a nye tatan be áya a ta taam ne áya a ta dun kuren ike̱ng, kamok wu be rice wu ta be kuraar kuri kufe̱ rinerawe gip.

Ibrani 4:15

Agbang atsi aya yir ta be yir nye aya a ta ro̱ riye̱ yir kaye̱e̱r kuraar yir. A tú bo̱mo̱ng kaye̱e̱r koakye iren kyo̱ndi yir, gip be anong a nye rine̱n baꞌ.

aLuka 15:20

Ayong a dorok a tú ku bun nufe atek ame. “Kum ne a rusek tsik niren ne atek ame ku di, ne a fok kuro̱ riye̱ wu dide̱ng yong a teng a ta be nufe ariwu ame a tá su ku kunung.

aLuka 7:13

Nizen aYeso tá fa ku di, ne a ro̱ riye̱ wu, yong a fe̱ be wu ye, “Sang tu tos baꞌ.”

aMarkus 9:22

In me̱ ne i ku barak nuro̱ng be nashi nong i tu ku fe̱r. Ke wan ta kyem i nye ike̱ng ikak ne, fok kuro̱ riye̱ yir nong tin se̱ mo yir.”

aMarkus 6:34

Nizen aYeso tá wuruk kaye̱e̱r kukpara ashi'me, a di ánerawe whe̱re̱, yong a fok kuro̱ riye̱ ba, kamok a se kyo̱ndi itsamang dar afek. Ayong a san ku kabo̱so̱p ba ike̱re̱ whe̱re̱.

aMarkus 5:19

aYeso tu shim'e baꞌ, amma a fe̱ be wu ye, “Tseng kari nufe aner wan, ta su ku tak ba agbang ike̱ng iya Adakunom tá nye kamok wan, be kuri iren ife wu ta ro̱ riye̱ wan.”

aMarkus 1:41

Kaye̱e̱r kuro̱ riye̱, aYeso nabak kubo̱k nong a tá ra aner ame. Ne a fe̱ be wu ye, “Mi shim, te zhe̱l!”

aMatiyu 20:34

aYeso fok kuro̱ riye̱ ba, yong a ra anyisi ba. Nizen izining, anyisi ba wor á karak á di karo̱ ne á kuus aYeso'me.

aMatiyu 14:14

Nizen aYeso tá wuruk kaye̱e̱r kukpara ashi'me, a di rigwo̱m ánerawe ame, ne a fok kuro̱ riye̱ ba iyong a sak áya a ta nye atser kaye̱e̱r ba baꞌ, tá te atser.

Ibrani 2:17

Kamok anong ne wu te kyo̱ndi áronyining wu kaye̱e̱r koakye iren, nong ase̱ a tá te agbang atsi afe a ta be kuro̱ riye̱ ne a nye katsak ni itomong Adakunom. A nye asidaka'ong nong a tin sok rine̱n ánerawe.

aMarkus 6:32

Ayong á no̱ kaye̱e̱r kukpara ashi nong á tá tseng naro̱ kakak wu ze̱r.

aMarkus 8:3

Ke Mi tu won ba nong á ta be kari be izong. A ta te gbe̱re̱k niren, kamok ákak nes gugo̱k.”