aMarkus 8:17 - Izere New Testament

¹⁷ aYeso tá ren ike̱ng ba ta sen ninye ibo̱ro̱ng natoon'e, yong a fe̱ be ba ye, “Akye̱ sak yin ta sen fe̱ yin natoon kudun abiredi e̱? Yin bun i di yin ka i ren yin aꞌa? Aye̱ yin rusek nurosom a?

aMarkus 8:17 Referans Kwoze

aMarkus 6:52

kamok ba ren ike̱ng ife agbang abiredi ame tá sor baꞌ, kamok ike̱ng'e tu se ba whi kaye̱e̱r aye̱.

aMarkus 2:8

aYeso tá ren ike̱ng iya ba tá to̱ kaye̱e̱r aye̱ ba, iyong a fe̱ be ba ye, “Kamok akye̱ yin to̱ yin anong kaye̱e̱r aye̱ yin e̱?

aMarkus 3:5

aYeso tú ye̱re̱k ba be riye̱ kubeseng ne a nye riye̱ riwe dide̱ng kamok atep aye̱ ba. Ayong aYeso fe̱ be aner ame ye, “Nabak kubo̱k wan.” Aner ame nabak kubo̱k wu, yong kubo̱k'e te kutser gye̱r.

Ike̱ng a ta tonong aYohana 2:23

Mi tà fe̱s inoon wu cei nong ase̱ áfikuus cice̱r tà ren ye, mi ne i nye afe kuye̱re̱k aye̱ ánerawe be kuto̱ro̱ng ba cei. Mi tù ku karang koangan yin tite̱re̱ be itomong wu.

aYohana 21:17

aYeso bun a tú ku rip kutak kufe ataar ye, “aSiman igon aYohana, wan ti shim a?” Ayong aBitrus nye riye̱ riwe kamok kurip kufe ataar aYeso tá bu a tú ku rip ye, “Wan ti shim be katsak a?” Ayong wu fe̱ ye, “Atekasa, Ei, wan ren koakye, wan ren mi tá shim.” aYeso fe̱ be wu ye “To̱, nyeseng ítsamang'i naya.

aYohana 16:30

Kyo̱o̱rna ne yir ma ren yir ye wan ren koakye, sang ma akak tá rip baꞌ. Iyuna sak yir ti no̱o̱k yir katsak ye wan ne nufe Adakunom.

aLuka 24:25

Ne aYeso fe̱ be ba ye, “Yin áfunam ákak, akye̱ kuri aye̱ ne yin be yin i ta won dar i ni no̱o̱k yin katsak nike̱re̱ áner kuzarap Adakunom tá fe̱ e̱?

aMarkus 16:14

Nama aYeso tin wuruk na álimazhiri wu kuso̱k be azining nizen á ta sen ya naya. A tú zhe̱e̱r ba, kamok ku won dar kuno̱o̱k katsak ba ne kushonong ba á tá gaar ku nino̱o̱k katsak rife̱ áya a tú ku di nama wu tá dorok baꞌ.

aMatiyu 15:17

Yin ren yin ye ike̱ng ife i ta no̱ nanu ne i tseng kaye̱e̱r kafa nizham i ta ra se wuruk aꞌa?

aMatiyu 12:15

aYeso ta ren anong, iyong a dorok a tá won karo̱ kayong. Ánerawe whe̱re̱ tú kuus ne sak áfe iro̱k te atser cei.

aMatiyu 16:7

Ne á san ibo̱ro̱ng awan ba ye, “Ka kamok yir ta be yir abiredi baꞌ e̱?”

aMarkus 8:16

A san kufe̱ be rice ba ye, “A fe̱ anong, kamok yir ta be yir abiredi baꞌ.”