aMarkus 8:12 - Izere New Testament

¹² aYeso ko̱ro̱k isong ne a fe̱ ye, “Akye̱ sak anerawe izam iyu tse̱r ku di ike̱re̱ azhing e̱? Katsak'e ne Mi ta tak yin, a ta ka nye yin ike̱ng azhing baꞌ.”

aMarkus 8:12 Referans Kwoze

aMarkus 7:34

Ne aYeso sok anyisi naza ne a ko̱ro̱k isong, nong a ta fe̱ ye, “Ifata!” I ta sor “Karak!”

aMatiyu 16:4

Ámaan anerawe, áfe a ta won katsak áfe izam iyu shim a ta di itomong azhing, amma a ta ka nye ba'me baꞌ, ma ke ife aZhona.” Ayong aYeso dorok a tú ku won ba á ta tseng.

aLuka 19:41

aYeso tá fa be̱ bubarak be aUshalima, a sok anyisi a ta ye̱re̱k kuwo̱p'e, yong a tos kamok kuwo̱p'e.

aMarkus 9:19

Ayong aYeso fe̱ ye, “Kaꞌ. Yin ánerawe izam na, i ta won dar i no̱o̱k yin katsak, mi ta sor ma ane̱ nong tana ka tsesek be yin e̱? Be̱e̱n yin igon'e aze.”

aMarkus 6:6

A te zhing kamok kuwon dar kuno̱o̱k katsak ba. Ayong aYeso tsang a gorok ne a bo̱so̱p ánerawe'me kaye̱e̱r iwo̱p ikak izhizhe̱k'e.

aMarkus 3:5

aYeso tú ye̱re̱k ba be riye̱ kubeseng ne a nye riye̱ riwe dide̱ng kamok atep aye̱ ba. Ayong aYeso fe̱ be aner ame ye, “Nabak kubo̱k wan.” Aner ame nabak kubo̱k wu, yong kubo̱k'e te kutser gye̱r.

aMatiyu 12:38

Iyong áner kubo̱so̱p itsi akak ne áner aFarisi ákak fe̱ be aYeso ye, “Aner Kubo̱so̱p yir shim ta di yir wan nye ike̱ng ikak iya i tana tonong ye wan ne naza.”

aMarkus 8:13

Ayong aYeso tu won ba. A ta no̱ kaye̱e̱r kukpara ashi ame nong a ta tar kunyi kukak.