aMarkus 8:11 - Izere New Testament

¹¹ aFarisi akak be̱ nufe aYeso, nong a tu ku bo̱mo̱ng, yong á fe̱ be wu ye, a ra nye ike̱ng ikak ife azhing iya i tana tonong ye wu ne naza.

aMarkus 8:11 Referans Kwoze

1 aKoranti 10:9

Sang tu bo̱mo̱ng yir Agwo̱m Ágwo̱m kyo̱ndi ákak ba tá nye ma íwhen tá ka fe̱s ba baꞌ.

aMatiyu 12:38

Iyong áner kubo̱so̱p itsi akak ne áner aFarisi ákak fe̱ be aYeso ye, “Aner Kubo̱so̱p yir shim ta di yir wan nye ike̱ng ikak iya i tana tonong ye wan ne naza.”

aYohana 4:48

aYeso fe̱ be wu ye, “Sang ke yin di yin ike̱re̱ i tana tonong ne itomong azhing baꞌ, yin ti no̱o̱k yin katsak natoon'i baꞌ.”

aLuka 11:16

Ákak kaye̱e̱r ba shim ke á bo̱mo̱ng aYeso yong á fe̱ be wu ye, a ra nye ike̱ng ikak ife azhing nong iya i tana tonong ye wu ne naza.

Itomong Ámanzo 5:9

Ayong aBitrus fe̱ be wu ye, “Akye̱ sak wan ta nyim kanu be amitek wan nong i ta bo̱mo̱ng yin Kabik Agwo̱m Ágwo̱m e̱? Di, áner aya a tá ne̱r amitek wan'ong nanukutu, ba ta ka sok nong a ta wuruk'e gip.”

aYohana 7:48

Ka yin kun di yin ako̱k kasho̱o̱n ka aner aFarisi akak tá kun ni no̱o̱k katsak ni wu a?

aYohana 6:30

Iyong ánerawe'me tú rip ye, “Akye̱ kuri ike̱ng azhing ne wan ta nye nong yir ta di yir nong tin no̱o̱k yir katsak ni wan e̱? Akye̱ ne wan tà nye e̱?

aLuka 10:25

Katuk kakak, aner akak a tá ren Itsi aMusa dide̱ng dorok nong a tá bo̱mo̱ng aYeso be kurip ye, “Aner Kubo̱so̱p, akye̱ ne mi ta nye nong ta se̱ kutser kufe izen izen e̱?”

aMarkus 12:15

I karang yir ka i won dar karang yir e̱?” Amma aYeso ren amaan kuto̱ ba, yong aYeso fe̱ be ba ye, “Akye̱ sak yin shim yin mi ta taam e̱? Ni be̱e̱n yin ica itso̱m'e ta di.”

aMarkus 2:16

Nizen iya áner kubo̱so̱p Itsi ákak a tá nye áner aFarisi tá di aYeso ta sen yas be áfe rine̱n'ong ne áfe kushashang itso̱m iben. Iyong á rip álimazhiri wu ye, “Akye̱ sak wu tá yas be áfe kushashang itso̱m iben ne ‘Áfe rine̱n e̱?’ ”

aMatiyu 22:23

Katuk kayong, áner aSadusi be̱ nufe aYeso. Ba ne á fe̱ ye, sang kudorok ikom kuse baꞌ. Á rip aYeso ye,

aMatiyu 22:18

Amma aYeso tá ren amaan kuto̱ro̱ng ba iyong a fe̱ be ba ye, “Yin ákardak áner, akye̱ sak yin shim tin bo̱mo̱ng yin e̱?

aMatiyu 22:15

A sen sor ne áner aFarisi se nye ibo̱ro̱ng nong á ta di ka aYeso tá taam kaye̱e̱r rife̱ wu.

aMatiyu 21:23

aYeso tá no̱ kaye̱e̱r kubang agbang kutu kuya Adakunom iben ame, nizen iya a ta sen ibo̱so̱p ánerawe'me ágbang atsi ne ásho̱n aner aYahuda be̱ nufu á tu ku rip ye, “Be akye̱ kuri kukyem ne wan ti nye ike̱re̱ na e̱? Angan ta no̱o̱k iren kunye ike̱re̱ na e̱?”

aMatiyu 19:3

Áner aFarisi ákak be̱ nufu nong á tú ku bo̱mo̱ng be kurip ye, “Ise gye̱r ánerawe ta kam be abining wu ke a tú ku nye ike̱ng ikak a?”

aYohana 8:6

Ba nye kurip na nong á ta bo̱mo̱ng aYeso, nong ase̱ ba tà se̱ iren nong a tú ku yiir. Amma aYeso tiguum kaben nong a tá nye izibir be kabanbo̱k.

aMarkus 9:16

aYeso tu rip ba ye, “Natoon akye̱ ne yin sen ne nye yin nanaan be ba e̱?”