aMarkus 7:5 - Izere New Testament

⁵ Ayong, áner aFarisi ne áner kubo̱so̱p itsi ame rip aYeso ye, “Akye̱ sak álimazhiri wan kuus igo̱o̱n áko̱k kasho̱o̱n yir baꞌ e̱? A ta yas sang a kusu ibo̱k baꞌ e̱?”

aMarkus 7:5 Referans Kwoze

2 aTasalonika 3:6

Ároneng, kaye̱e̱r riyerek Agwo̱m Ágwo̱m yir aYeso Kiristi, yir fe̱ yir be yin be agbang kuto̱ ye, yin ra kam yin be áronyining yin áya a ta be karuur sang á ta kuus ike̱ng iya yir tá ka bo̱so̱p yin'e baꞌ.

Itomong Ámanzo 21:21

A ma ka taas ba ye wan bo̱so̱p áner aYahuda'me áya a ta sor ni iwo̱p áner á ta nye áner aYahuda baꞌ ye á ra won Itsi aMusa, ye á tu nye inoon ba izhak baꞌ, ye á ra won igo̱o̱n yir.

aGalati 1:14

Mi nye kasho̱o̱n kaye̱e̱r áfe ku kuus itsi áner aYahuda ne i nar áner aYahuda'me ákak whe̱r aya a tá nye áfe izam'i, ne i be ifeng kukuus igo̱o̱n asho̱n yir.

Itomong Ámanzo 21:24

Tseng mak be ba nong ta se te zhe̱l ne wan karang itso̱m kute zhe̱l ba'me nong á tu ku kor ba. Be anong ne koangan tà ren ye ike̱ng iya a tin fe̱ natoon wan nye abo̱o̱s, amma wan kuus Itsi aMusa.

aMatiyu 15:2

“Akye̱ sak álimazhiri wan gaar ku kuus igo̱o̱n átukop yir ba ta ya naya dar ku kusu ibo̱k e̱?”

aRom 4:12

Anong ne Ibrahim te ako̱k kasho̱o̱n áya a tú ku nye ba izhak gip, sang kamok á tú ku nye ba izhak tsek baꞌ, amma á kuus kuri kuno̱o̱k katsak ada yir Ibrahim tá be kum ne a mu ku nye izhak baꞌ.

2 aTasalonika 3:11

Yir fok yir ye ákak kuse kaye̱e̱r yin á ta be karuur, sang á shim kunye itomong baꞌ, amma á tsang ni tes nanu rife̱ ánerawe.

aMarkus 7:8

“Yin won yin Itsi Adakunom nong i ta kuus yin igo̱o̱n anerawe.”

aMarkus 7:9

Ne aYeso fe̱ be ba ye, “Yin won yin Itsi Adakunom nong i ta kuus yin igo̱o̱n yin.”

aMarkus 7:13

Natoon anong ne yin ti sak yin rife̱ Adakunom tin te kpe̱de̱ng, be kuri igo̱o̱n yin ta bo̱so̱p yin inoon yin'e. Ne yin nye yin ike̱re̱ dide̱ng kyo̱ndi iyu na.”