aMarkus 7:15 - Izere New Testament

¹⁵ Sang ike̱ng iya i ta ne nufang, i ta no̱ nanu anerawe ne i tù ku sak a tà won dar a se zhe̱l baꞌ, amma iya i ta wuruk nanu wu ne i tù ku sak a tà won dar a se zhe̱l.

aMarkus 7:15 Referans Kwoze

aTitus 1:15

Koakye se zhe̱l nufe áner aya a ta sok ye i se ázhe̱l'e. Amma ike̱ng ikak se zhe̱l nufe áya a be katsak ka áya a ta be agak riye̱ baꞌ, kamok kuto̱ro̱ng ba ne aye̱ ba se zhe̱l baꞌ.

Ibrani 13:9

Sang tu won yin kubo̱so̱p kuduk ta ko̱ro̱k aye̱ yin baꞌ. I se gye̱r aye̱ yir ta se̱ agap kaye̱e̱r ritek Adakunom sang be kukuus itsi kuya naya baꞌ. Kukuus itsi kuya naya ti barang áner aya a ta kuus itsi iyong ike̱ng ikak baꞌ.

Ibrani 9:10

Ike̱re̱'ong a tá nye se natoon kuyas be kuso̱ ne ku naka kusu. Ike̱re̱'ong nye ife kuro̱m tsek iya a tin nye itomong ma nizen iya Adakunom ta shishing koakye.

aMatiyu 12:34

Yin naban afomong yin i ta nye yin amaan'e, yin ta san yin ane̱ ta fe̱ yin ike̱ng itek e̱? Ike̱ng i ta se kaye̱e̱r riye̱ aner ne i wuruk nanu wu.

aRom 14:17

Kamok itak rigwo̱m Adakunom nye itak kuya ne a so̱ baꞌ, amma itak kuse gye̱r nasho̱o̱n Adakunom ne kusor caang be riye̱ rikan kaye̱e̱r Kabik Kazhe̱l'e.

1 aKoranti 10:25

Ya yin koakye kuri rinam i ta shan yin naro̱ a ta re̱e̱s dar kurip fan riye̱ yin bu se gak.

Itomong Ámanzo 10:28

Ayong a fe̱ be ba ye, “Yin ren yin tse̱ng tse̱ng ye i nye rine̱n kaye̱e̱r itsi yir áner aYahuda tana nye rifertseng ka a ta tseng ritsen nasa aner a sang a ta nye aner aYahuda baꞌ. Amma Adakunom rin tonong ye sang mi tu yis aner akak ye a won dar a se zhe̱l ka ye a be narik baꞌ.

aMatiyu 15:16

Ayong aYeso fe̱ be ba ye, “Aser, yin rusek yin na awhi gip a?

aMarkus 7:14

Ayong aYeso bun a yis rigwo̱m ánerawe'me nong a tá fe̱ be ba ye, “Wesek yin kuto tin fok yin gye̱r.

aMarkus 7:16

Aya ne a be ato kufok a ra fok.”