aMarkus 6:41 - Izere New Testament

⁴¹ aYeso sok ágbang abiredi atoon be ízos ifa ame. Ne a sok rice naza a tá tonong riye̱ rikan be Adakunom. A te̱se̱ng abiredi ame, a tá no̱o̱k álimazhiri wu nong á tá saas ánerawe'me. aYeso bun a tú kasap ba izos ifa ame.

aMarkus 6:41 Referans Kwoze

aMatiyu 14:19

Ne aYeso fe̱ be ánerawe'me ye á ra sosok kaben natoon agam. A sok ágbang abiredi atoon ame be izos ifa'me, a tá sok rice naza a tá tonong riye̱ rikan wu be Adakunom ne a te̱se̱ng. Ne a no̱o̱k álimazhiri wu nong álimazhiri wu'me ta kasap ánerawe'me.

aMarkus 7:34

Ne aYeso sok anyisi naza ne a ko̱ro̱k isong, nong a ta fe̱ ye, “Ifata!” I ta sor “Karak!”

aLuka 24:30

Nizen aYeso tá se be iya naya mak be ba, a sok abiredi, a tá tonong Adakunom riye̱ rikan, ne a te̱se̱ng ne a san ku nyesek ba.

aLuka 9:16

aYeso sok ágbang abiredi atoon be ízos ifa ame. Ne a sok rice naza a tá tonong Adakunom riye̱ rikan. A te̱se̱ng abiredi be ízos ame, a ta no̱o̱k álimazhiri wu nong á tá saas ánerawe'me.

1 aKoranti 10:31

Kamok anong koakye ne yin ta sen nye yin'e, kaye̱e̱r kuya ka kuso̱ yin ayi, nye yin koakye kamok ku tiyiik Adakunom.

aYohana 17:1

Nama aYeso tá fe̱ ike̱re̱ na, ne a sok rice wu naza a tá ye̱re̱k kaza nong a tá nye aduwa ye, “Ada, izen'e n nye. Tiyiik Igon wan, nong wu gip a tà ka tiyiik.

aYohana 11:41

Ayong á tomong kuta ame. aYeso sok anyisi naza ne a fe̱ ye, “Ada, mi be riye̱ rikan be wan kamok mi ren wan ti fok.

aMarkus 14:22

Nizen iya á ta sen ya naya'me, aYeso sok abiredi ame nong a tin nye aduwa, ne a te̱se̱ng, a tá no̱o̱k álimazhiri wu, ne a fe̱ ye, “Inga yin, iyuna ne i nye kuro̱m mi.”

aKolosi 3:17

Koakye ike̱ng iya yin tana nye yin, ko kaye̱e̱r kufe̱ kanu ko kaye̱e̱r kunye ike̱ng, nye yin cice̱r kaye̱e̱r riyerek aYeso Agwo̱m Ágwo̱m, ne i tonong yin Adakunom riye̱ rikan kamok wu.

aRom 14:6

Koangan afe a ta sok kunom kukak yiik ye ku nar ribir'e nye anong nong a tin tiyiik Agwo̱m Ágwo̱m wu. Koangan afe a ta ya koakye kuri rinam nye anong nong a tin tiyiik Agwo̱m Ágwo̱m wu. Kamok nong a tin tonong riye̱ rikan be Adakunom be rinam'e. Aner aya a ta ya koakye kuri rinam baꞌ, nye anong gip nong a tin tiyiik Agwo̱m Ágwo̱m wu kamok nong a tin tonong riye̱ rikan wu be Adakunom.

aYohana 6:23

Ne akpara ákak a ta nye azhizhe̱k'e a tá ne na aTibariya be̱ azong bubarak be karo̱ kaya ánerawe tú ku ya abiredi aya aYeso tin nye aduwa natoon ame.

aYohana 6:11

Ayong aYeso sok abiredi'me nong a tá nye aduwa, a tonong riye̱ rikan wu, ne a kasap ánerawe á tá sosok kyo̱ndi ba tá shim. A nye anong be izos'e gip.

aMatiyu 26:26

A ta se be kuya naya'me, yong aYeso sok abiredi, a tin tonong riye̱ rikan be Adakunom ne a te̱se̱ng a tá fe̱ ye, “Inga ya yin, iyu nye kuro̱m'i.”

aMatiyu 15:36

Ne a sok ágbang abiredi kanataar ame be ízos'e a tin tonong riye̱ rikan wu be Adakunom, ne a te̱se̱ng a tá no̱o̱k álimazhiri wu nong á ta se nyesek ánerawe'me.

Itomong Ámanzo 27:35

aBulus'e ta fa fe̱ anong ne a sok abiredi a ta tonong riye̱ rikan'e be Adakunom nasho̱o̱n ba cice̱r. Ne a te̱se̱ng, a tá kpaan kuya'me.

aMarkus 6:40

Ayong a sak ánerawe'me tá sosok nagwo̱m, ákak kuso̱k inyak ne ákak iso̱k itoon.

aMarkus 6:42

Cice̱r ba ya ma á whas,

aMarkus 8:19

Nizen mi ta ku te̱se̱ng ágbang abiredi atoon ame kamok anerawe izungu itoon, iderse imang ne yin ku tusung yin e̱?” Alimazhiri'me fe̱ be aYeso ye, “Kuso̱k be afa.”