aMarkus 6:3 - Izere New Testament

³ Ayu ne a nye akapinta a? Ayu ne a nye igon aMarya aꞌa? Aronyining aYakub be aYusufu ne aZhud be aSiman aꞌa? Ángasnyining se aze mak be yir aꞌa?” Ayong riye̱ ba beseng be wu.

aMarkus 6:3 Referans Kwoze

aMatiyu 12:46

Nizen aYeso ta ru fe̱ kanu be rigwo̱m ánerawe'me, ango̱ wu be áronyining nyeseng nufang á shim a tu ku di.

aYohana 6:42

Iyong ba fe̱ ye, “Aser, ayu ne a nye aYeso igon aYusufu, aya yir ta ren yir anyining be atek aꞌa? Akye̱ sak wu ta fe̱ ye, ‘Mi ne naza e̱?’ ”

aZhud 1:1

Mi, aZhud, asam aYeso Kiristi, aronyining aYakub, yin áya Adakunom aya a ta nye Ada ta ka shim yin, ne a ka yis yin, áya aYeso Kiristi ta ka fek yin.

aGalati 1:19

Mi di ribir ámanzo'me ákak baꞌ, sang ke aYakub aronyining Agwo̱m Ágwo̱m yir baꞌ.

aMatiyu 11:6

Aner riye̱ rikan ne a nye aner aya a tin be agak riye̱ natoon mi baꞌ.”

Itomong Ámanzo 1:13

Nizen iya ba tá no̱ na aUshalima, yong a wesek nutu katoon'e kuya ba tin sor kaye̱e̱r. Áner aya a tá no̱ nutu'me nye aBitrus be aYohana ne aYakub be Adarawus ne aFilibus ne aToma ne aBatalomi be aYakub a ta nye aro̱m Alfiyus be aSiman a tú ku yis ye aner a ta be rifup kaben wu, be aYahuda a tá nye aronyining aYakub.

aMarkus 15:40

Ányining akak sor tsik ne a ye̱re̱k, kaye̱e̱r ba nye aMarya abafe aMagadaliya be aMarya anyining aYakub awusong'e be aYusufu ne aSalomi,

1 aKoranti 1:23

Yir taas yir itak riku aYeso be kutigak wu, iyong sor ike̱ng áner aYahuda ta wor a shim kufok'e baꞌ, ne i sor rifunam nufe aner aya a ta nye aner aYahuda baꞌ.

aYohana 14:22

Ayong aYahuda (sang Iskariyot baꞌ) fe̱ ye, “Atekasa, akye̱ sak wan shim ta tonong rice wan nufe yir sang nufe kazatse baꞌ e̱?”

aLuka 7:23

Aner riye̱ rikan ne a nye aner aya a tin be agak riye̱ natoon mi baꞌ.”

aLuka 2:34

Ne aSiman ku te ba kuce̱ a tá fe̱ be aMarya anyining igon'e ye, “Adakunom tsang a sak igon na tà sak ánerawe Isarela akak tu ku bun kama, ne a sak ákak ta ya kasho̱o̱n. A tà sor ike̱ng ánerawe tanin fe̱ imaan'e natoon wu,

1 aBitrus 2:4

Be̱ yin nufu, wu aya a ta se kyo̱ndi kuta rino̱k kutser. Wu ne a nye kuta kuya ánerawe tá raba, amma Adakunom tú ku kasa ne a ku sok yiik.

1 aKoranti 9:4

Aser, yir kyem ta ya yir ne i so̱ yir kamok itomong yir aꞌa?

aMarkus 3:18

Adarawus be aFilibus ne aBatalomi be aMatiyu, ne aToma, be aYakub igon Alfiyus, ne aTadiyus, be aSiman aner rifur kuwo̱p wu,

Itomong Ámanzo 12:17

aBitrus ma nye be kubo̱k ye a ra te gbik, nong a tú ku taas ba kuri iren iya Agwo̱m Ágwo̱m tú ku tun nitso̱m'me. A fe̱ ye, “Tseng se tak yin aYakub be ribir áro̱ afikuus.” Ayong a dorok a tá tseng naro̱ kakak.

aLuka 8:20

Ayong aner akak fe̱ be wu ye, “Ango̱ wan be áronyining wan se nufang á shim á ta fe̱ kanu be wan.”