aMarkus 6:20 - Izere New Testament

²⁰ Kamok aHiridus fok inyim aYohana, ne a ren ye a nye aner a tá be katsak ne a se zhe̱l. Ayong a tú fek, nizen aHiridus tá fok rife̱ aYohana ne a no̱ nudaam dide̱ng, gip be anong a shim a tá ku fok.

aMarkus 6:20 Referans Kwoze

aMatiyu 21:26

Ke yir fe̱ yir ye, ‘A ne̱ nufe anerawe,’ yir tá fok yir inyim ike̱ng ánerawe tanin nye yir'e kamok ánerawe cice̱r sok ye, aYohana nye aner kuzarap Adakunom.”

aMatiyu 14:5

aHiridus tsang a shim ke a fe̱r aYohana, amma a ra fok inyim kamok ánerawe sok ye aYohana nye aner kuzarap Adakunom.

aYohana 5:35

aYohana se kyo̱ndi apitila aya a tá ya, a tá se kanang, yin ti nye yin riye̱ rikan be akanang wu nizen cie̱k.

aMarkus 11:18

Agbang átsi ne áner kubo̱so̱p Itsi tá fa fok anong ne kpaan kutse̱r iren iya a tana ku fe̱r. Ba fok inyim wu, kamok ánerawe'me cei tá te zhing be kubo̱so̱p wu.

aMarkus 4:16

Anong ne íca'me íya i ta kpas nifang agudong, se kyo̱ndi ánerawe aya a tá fok rife̱'me ne á shan be aye̱ akan,

Itomong Ámanzo 2:12

Á te zhing dide̱ng ne a daam ma á naka risim ye, “Ike̱ng iya ba tá nye na tonong akye̱ e̱?”

Itomong Ámanzo 5:24

Ako̱k kasho̱o̱n áfe a tá fek agbang kutu kuya Adakunom iben'e ne áner aSadusi tá fa fok anong, á daam dide̱ng ne á to̱ ye ka akye̱ ne n se̱ ámanzo'me e̱?