aMarkus 6:15 - Izere New Testament

¹⁵ Ákak fe̱ ye, “Aner'e nye Iliya.” Ne ákak fe̱ ye, “Aner'e nye aner kuzarap akak ze̱e̱r kaye̱e̱r áner kuzarap agbugbang'e.”

aMarkus 6:15 Referans Kwoze

aMatiyu 21:11

Iyong áfe a ta sen kuus aYeso'me fe̱ ye, “Ayu ne a nye aYeso aner kuzarap Adakunom a ta ne na aNazaret niben aGalili.”

aMarkus 8:28

Iyong álimazhiri'me fe̱ ye, “Ákak fe̱ ye wan nye aYohana aner abatisma, ne ákak fe̱ ye wan nye Iliya, ne ákak bun á fe̱ ye wan nye akak kaye̱e̱r áner kuzarap Adakunom ágbugbang'e.”

aMatiyu 16:14

Iyong á fe̱ be wu ye, “Ákak fe̱ ye, aYohana aner abatisma; ákak fe̱ ye Iliya; ne ákak bun á fe̱ ye Irimiya; ka akak kaye̱e̱r aner kuzarap ayi.”

aYohana 9:17

Ayong á bun á rip akpato̱o̱n ame ye, “Wan be ike̱ng ikak tanin tak yir natoon aner na a? Wan ne a tá karak anyisi.” Ne aner ame fe̱ be ba'me ye, “A nye aner kuzarap.”

aYohana 7:40

Be kufok rife̱ aYeso, ákak ba fe̱ ye, “Katsak'e, aner na ne a nye aner kuzarap Adakunom'me.”

aYohana 6:14

Ánerawe tá di itomong azhing iya aYeso tá nye ayong á rife̱ ye, “Katsak'e, ayu ne a nye Aner Kuzarap aya a ta se ye a ta be̱ kaye̱e̱r kazatse.”

aYohana 1:25

rip aYohana'me ye, “Iyong akye̱ sak wan ta nye abatisma ke wan nye aKiristi, ka Iliya ka Aner Kuzarap'e baꞌ e̱?”

aYohana 1:21

Ayong á tú ku rip ye, “To̱, wan nye angan e̱? Wan ne i nye Iliya a?” Ne aYohana fe̱ be ba ye, “Wayo, mi ne i nye wu baꞌ.” “Ayong wan ne i nye Aner Kuzarap ame a?” Ne a bun a fe̱ be ba ye, “Wayo.”

aLuka 9:19

Iyong álimazhiri'me fe̱ ye, “Ákak fe̱ ye wan nye aYohana aner abatisma, ne ákak fe̱ ye wan nye Iliya, ne ákak bun á fe̱ ye wan nye akak kaye̱e̱r áner kuzarap Adakunom ágbugbang'e, ne a bun an dorok be kutser.”

aLuka 9:8

Ákak fe̱ ye, a nye Iliya aner kuzarap Adakunom ne a bun an dorok. Ákak bun á fe̱ gbak ye a nye azining kaye̱e̱r aner kuzarap Adakunom agbugbang'e a tan ku, ne a bun an dorok.

aLuka 7:39

Aner aFarisi afe a tá fe̱ ye a ra be̱ kari wu ame tá fa di anong, ne a to̱ riye̱ wu ye, “Ke a fa fe̱ ye aner na nye aner kuzarap Adakunom ke a ren aner a tú ku ras, ne a ren kuri kuse abining'e, ke a ren ye a nye aner rine̱n.”

aLuka 7:16

Cice̱r ba inyim tú ro̱, yong á kerek Adakunom ye, “Aner kuzarap agbang'e m be̱ kaye̱e̱r yir,” ne á fe̱ ye, “Adakunom m be̱ nong a ta tobok ánerawe wu.”

aLuka 1:17

A tà tseng nasho̱o̱n Agwo̱m Ágwo̱m kaye̱e̱r kabik be kukyem kuri kufe Iliya nong a tà sak aye̱ átek inoon tà ku bun ni inoon ba, ne a sak áya a ta shonong, ta kuus kutseng aner a ta se gye̱r nasho̱o̱n Adakunom. A tà sak ánerawe tà nye kanye̱k kamok Agwo̱m Ágwo̱m.”

aMarkus 6:16

Amma nizen iya aHiridus tá fok anong, ayong a fe̱ ye, “Aner'e nye aYohana, aya mi tá te̱n rice wu, ne a mo ku dorok nure̱k!”