aMarkus 6:12 - Izere New Testament

¹² Anong ne á dorok nong á tá se taas anerawe ye á ru shishing kuse ba.

aMarkus 6:12 Referans Kwoze

aMatiyu 4:17

Kum be izen iyong aYeso san awazi, ye; “Shishing yin kuse yin kamok rigwo̱m kaza m be̱ bubarak.”

Itomong Ámanzo 20:21

Mi n taas áner aYahuda be áner aHeleni ye á ra shishing kuse ba á tu ku bun nufe Adakunom dim ne á ni no̱o̱k katsak na Agwo̱m Ágwo̱m yir aYeso.

Itomong Ámanzo 11:18

Ba tá fa fok anong ne á tigbik, á kyem á fe̱ ike̱ng ikak baꞌ. Á kerek Adakunom ne á fe̱ ye, “Aser, Adakunom n no̱o̱k áner aya sang a ta nye aner aYahuda baꞌ, iren gip nong a ta shishing kuse ba a ta se̱ kutser.”

Itomong Ámanzo 2:38

Ayong aBitrus fe̱ be ba ye, “Shishing kuse yin nong a ta ka nye yin abatisma kaye̱e̱r riyerek aYeso. A ta ka re̱ng yin rine̱n yin, nong ta se̱ yin Kabik Kazhe̱l'e kaya Adakunom ta nyesek.

aLuka 13:3

Won ta ka tak yin, i se anong baꞌ. Ke yin shishing yin kuse yin baꞌ, yin gip tà kus yin cei kyo̱ndi ba.

aLuka 11:32

Katuk igang'e áner aNineve tà nyeseng be áner izam iyu nasho̱o̱n Adakunom, ne á tonong ye ánerawe'me nye ámaan'e. Kamok ba shishing kuse ba be rife̱ aZhona tú ku taas ba. To̱, kyo̱o̱rna afe a ta nar aZhona na aze!

aMatiyu 3:8

Nye yin itomong i tana tonong ye yin n shishing yin kuse yin.

aMatiyu 3:2

Ne a fe̱ ye, “Shishing yin kuse yin, kamok rigwo̱m kaza m be̱ bubarak.”

Itomong Ámanzo 26:20

Ni ime̱se̱ng'e, mi san kutaas áner aDamaskus rife̱ Adakunom ne áya a ta se na aUshalima ne áfe iben aYahuda cice̱r. Mi bun i taas áya sang á ta nye áner aYahuda baꞌ, ye á ra shishing kuse ba nong á tu ku bun nufe Adakunom ne á nye ike̱re̱ iya i tana tonong ye ba n shishing kuse ba.

Itomong Ámanzo 3:19

Kamok anong, shishing yin kuse yin tu ku bun yin nufe Adakunom nong ase̱ a ta ka re̱ng yin rine̱n yin. Yin ta se̱ yin agap afe Kabik nufe Agwo̱m Ágwo̱m,

aLuka 24:47

A ta taas ánerawe ninaro̱ ze̱r ze̱r itak natoon kushishing kuse be kure̱ng rine̱n kaye̱e̱r riyerek wu, A ta san'e na aUshalima.

aLuka 15:10

Anong ne i ta se gip, mi ta tak yin, ámaleka Adakunom tà nye riye̱ rikan ke afe rine̱n azining shishing kuse wu nong a ta shan Adakunom.”

aLuka 15:7

Mi ta ka tak yin, anong ne i se kaye̱e̱r kaza, a tà nye riye̱ rikan kamok afe rine̱n azining a tá shishing kuse wu, ne a nar áner iso̱k katonbo̱k be katonbo̱k á ta nye azhe̱l'e áya a tan tsang á shishing kuse ba.”

aLuka 13:5

Mi ta ka tak yin i se nong baꞌ. Ke yin shishing yin kuse yin baꞌ, yin gip tà kus yin cice̱r yin.”

aMarkus 1:15

ye, “Izen'e n nye, rigwo̱m Adakunom m be̱ bubarak. Shishing yin kuse yin ne i ni no̱o̱k yin katsak Rife̱ Ritek'e!”

aMatiyu 11:20

Ayong aYeso kpaan kuzhe̱e̱r áfe iwo̱p iya wu tu ku nye itomong azhing whe̱re̱, kamok á tá gaar ku shishing kuse ba.

aMatiyu 9:13

Tseng yin se tse̱r yin ike̱ng iya rife̱ Adakunom na tin fe̱ natoon'e: ‘Mi nar kushim ku tonong kuro̱ riye̱ be tana nye asidaka.’ Kamok mi be̱ ta yis aya a ta di ye ba se gye̱r nasho̱o̱n Adakunom baꞌ, mi be̱ ta yis áfe rine̱n.”

aLuka 9:6

Iyong á dorok á tsang á tseng ni iwo̱p izhizhe̱k'e, ne á taas Rife̱ Ritek'e, ne á sak ánerawe ta te atser koake̱ ne á no̱.

aMarkus 1:3

“Kuto̱ akak yis kaye̱e̱r katse ye, ‘Nye yin Agwo̱m Ágwo̱m iren, ku nye yin iren'e cop.’ ”

aMatiyu 11:1

Nama aYeso tá gang kutaas alimazhiri wu kuso̱k be afa'me ike̱re̱ ba tana nye, iyong a dorok a tá be niben aGalili nong a ta tsang a bo̱so̱p ánerawe'me ne a ku nye ba awazi kaye̱e̱r iwo̱p ba'me.