aMarkus 6:11 - Izere New Testament

¹¹ Ke áner karo̱'me tá shan yin baꞌ, ka á tá fok yin kuto baꞌ, ne yin re̱ng yin iwur atak yin nizen afe yin tana won yin azong nong i ta sor asheda natoon ba.”

aMarkus 6:11 Referans Kwoze

Itomong Ámanzo 18:6

Amma nizen iya áner aYahuda tá gaar rife̱ aBulus ma á kpaan ku kukas. Kamok anong aBulus waar ares wu, a tá fe̱ be ba ye, “Rine̱n yin se rice yin. Mi be rine̱n akak rice mi ba'. Igang'e be katuur mi ba sen tseng nufe áya a ta nye áner aYahuda baꞌ.”

aZhud 1:7

Anong ne i se be aSodom ne aGomora ne iwo̱p iya i ta se bubarak be ba, iya i tá te rice ba ninye rikuna ma á kuus ike̱re̱ kuro̱m ife kurisik'e kyo̱ndi ámaleka'me tá nye. Ike̱ng iyong tonong kuri risam riya á tana so̱ kaye̱e̱r kuro̱ng kufe izen izen.

1 aYohana 4:17

Be anong ne kushim yir tà shining kaye̱e̱r aye̱ yir nong ase̱ tà se yir dar inyim nasho̱o̱n Adakunom katuk wu tana to̱ kazatse amok. Kamok yir se yir kyo̱ndi wu nazatse na.

2 aBitrus 3:7

Be rife̱ Adakunom'me ne a tin shosh kaza be kaben kaya yir ta ye̱re̱k yir na. Be rife̱ Adakunom ne Adakunom won kaza be kaben ma katuk a tana to̱ áya sang á ta fok inyim Adakunom'me baꞌ amok ne a ka shosh ba.

2 aBitrus 2:9

Kamok anong, ike̱re̱ kuri iyuna ne i sak yir ta ren yir ye Adakunom ta kyem a shesh áner aya ta se kaye̱e̱r iriri kubo̱mo̱ng áner aya a ta se gye̱r nasho̱o̱n wu ne a won áya a ta be amaan kunye nong á ta ya kasho̱o̱n be risam ma katuk a tana to̱ kazatse amok.

2 aBitrus 2:6

Adakunom shosh agbang iwo̱p aSodom be aGomora ma i te itong. Iyong tonong kuri ike̱ng i tana se̱ áya a ta nye anyas.

aRom 2:16

Anong ne i bu se katuk Adakunom tana sak aYeso tana to̱ ike̱re̱ iya anerawe ta ne̱r kaye̱e̱r riye̱ amok, kyo̱ndi mi ta fe̱ kaye̱e̱r Rife̱ Ritek mi tá ka taas yin.

aRom 2:5

Amma kamok kushonong wan i ta gaar kushishing kuse wan, wan naka tusung amok Adakunom natoon rice wan ma katuk riye̱ kubeseng Adakunom, nizen iya a tana to̱ kazatse amok kaye̱e̱r katsak.

aLuka 9:5

Karo̱ kaya ne á ta shan yin baꞌ, re̱ng yin iwur atak yin nizen iya yin tana won yin kuwo̱p'e, nong i tà sor asheda natoon ba.”

aMatiyu 12:36

Won ta ka tak yin, koakye amaan rife̱ anerawe tá fe̱, a tà shan ishorong wu katuk amok Adakunom.

aMarkus 6:10

Izen iya ne yin no̱ yin nasa kakak, sor yin azong ma izen iya yin tana won yin kuwo̱p'e.