aMarkus 5:7 - Izere New Testament

⁷ A tá kuto̱ ye, “aYeso, Igon Adakunom Agbang Agwo̱m Ágwo̱m, wan tse̱r akye̱ be mi e̱? Shu be riyerek Adakunom ye wan tin no̱o̱k risam baꞌ.”

aMarkus 5:7 Referans Kwoze

aMatiyu 8:29

Á ta kukun nizen izining ye, “Igon Adakunom, wan tse̱r akye̱ be yir e̱? Wan m be̱ tin no̱o̱k yir risam nizham izen'e ta ra nye a?”

Itomong Ámanzo 16:17

Kanamang'e ti kuus yir be aBulus ne ka tasak ye, “Áner na nye ásam Adakunom Agbang Agwo̱m Ágwo̱m, a sen ka taas yin iren kuse̱ kashesh.”

aZhud 1:6

Bun i yiring yin be ámaleka áya sang á tá kuus itsik rigwo̱m baꞌ, amma á won itsik ba ife ime̱se̱ng'e. Kuri ayong Adakunom ma ka te̱ne̱ng ba kaye̱e̱r awhi nong a tú ku rosom ba be idun atso̱m ife ma izen izen nong a tú ku to̱ ba amok katuk Agbang Kunom'e.

aMatiyu 26:63

Amma aYeso te gbik. Ayong agbang atsi ame bun a fe̱ be wu ye, “Kaye̱e̱r riyerek Adakunom afe kutser, ni tak yir katsak'e, ka wan ne i nye aKiristi'e, Igon Adakunom.”

Ike̱ng a ta tonong aYohana 12:12

Kamok anong, nye yin riye̱ rikan naza ne áya a ta sor kaye̱e̱r'e. Amma awo̱ be kazatse ne agbang adung, kamok Amaan Aner n tiik kaye̱e̱r yin. Riye̱ wu kun fuus kamok a ren ye izen wu ba gop baꞌ.”

Itomong Ámanzo 19:13

Iyong áner aYahuda akak áya a ta tseng á kar kaye̱e̱r kuwo̱p ne a turung ítseng kpaan ku ni nye itomong be riyerek Agwo̱m Ágwo̱m yir aYeso natoon aya a ta be itseng. Ne á fe̱ ye, “Kaye̱e̱r riyerek aYeso na aya aBulus ta nye awazi wu, mi fe̱ be yin, wuruk yin.”

aLuka 8:28

Nizen iya a tá di aYeso, a tá kuto̱ ne á kpa natak wu, a tá tasak dide̱ng ye, “aYeso, Igon Adakunom Agbang Agwo̱m Ágwo̱m, wan tse̱r akye̱ be mi e̱? Kusuk, tin no̱o̱k risam baꞌ.”

aMarkus 3:11

Koakye izen ne ámaan nabik tu di ne á kpas kaben nasho̱o̱n wu ne á tang ikun ye, “Wan ne i nye Igon Adakunom.”

aMatiyu 4:3

Ishetan be̱ a tá fe̱ be wu ye, “Ke wan ne i nye Igon Adakunom, to̱, fe̱ be ata na nong á ta te abiredi.”

1 aYohana 3:8

Amma aya a ta yiir nye rine̱n nye afe Ishetan kamok Ishetan n me̱ ne a nye rine̱n kum ni ime̱se̱ng'e. Iyu ne i sak Igon Adakunom'me tá be̱ nong a tà yirik ike̱re̱ Ishetan'e tá nye cei.

2 aBitrus 2:4

Ko ámaleka agbugbang, nizen á tá nye rine̱n, Adakunom tá won ba kyo̱o̱n baꞌ, a tú ku barak ba kaye̱e̱r ribong kuro̱ng. A tú rosom ba kaye̱e̱r ibong i tá se tsik ne i se whi. Á ta tor kunom amok.

aMarkus 1:24

ye, “aYeso afu aNazaret, wan tse̱r akye̱ be yir e̱? Wan m be̱ ta bin fe̱s yir a? Mi ta ren, wan nye Azhe̱l'e afe Adakunom!”

aMatiyu 16:16

Ayong aBitrus fe̱ be wu ye, “Wan ne i nye aKiristi, Igon Adakunom afe kuter.”

Ibrani 7:1

aMakizadek na ne a nye agwo̱m aSalim, a nye atsi Adakunom Agbang Agwo̱m Ágwo̱m. A nyim be Ibrahim nizen a tá ne ni iya ágwo̱m ákak nitso̱m, yong a tú te kuce̱.

Ibrani 2:14

Kum inoon'e ta be rinam be naso̱k, wu gip a sok kuse rinerawe nong ase̱ kamok riku wu a ta yirik agap aya riku ta se nubo̱k wu, aner'e nye Ishetan

Itomong Ámanzo 8:36

Kaye̱e̱r kutseng, á be̱ ba naro̱ kakak ashi tú ku se ne aritek ame fe̱ be aFilibus'e ye, “Di ashi na, akye̱ ta roon ku ninye abatisma ame aze e̱?

aYohana 20:31

Amma a zibir ike̱re̱ na, nong ase̱ tin no̱o̱k yin katsak ye aYeso ne a nye aKiristi, Igon Adakunom. Nong ase̱ ke yin ti no̱o̱k yin katsak, yin tà se̱ yin kutser kaye̱e̱r riyerek wu.

aLuka 6:35

Shim yin ámudo̱n yin ingya, ku tonong yin ba ritek. Ku nyesek yin ba iko̱p dar ku ni te riye̱ ye á tà ka karang yin, nong ishorong yin tà se whe̱r, ne i te yin inoon Ada Adakunom ayiik'e, kamok wu se gye̱r be áfe a ta won dar á tonong riye̱ rikan ba, ne áya a ta nye imaan'e.

aLuka 4:34

“Yeye! Akye̱ ne wan tse̱r be yir e̱? Wan m be̱ nong tin fe̱s yir a? Mi ta ren, wan nye azhe̱l'e afe Adakunom!”

aLuka 1:32

A tà se yiik, ne a ku yis ye, Igon Adakunom ayiik'e. Agwo̱m Ágwo̱m yir Adakunom tù ku no̱o̱k itsik rigwo̱m atukop wu aDauda.

aMarkus 14:61

Amma aYeso sor gbik, a ti sak baꞌ. Ayong ako̱k kasho̱o̱n agbang atsi ame bun a tú ku rip ye, “Iyong wan ne i nye aKiristi Igon Aner Ritek a?”

aRom 16:20

Adakunom afe a ta nyesek kameneng riye̱ tà me̱re̱sh Ishetan sang be kubeseng izen baꞌ. Won ritek Agwo̱m Ágwo̱m yir aYeso tu se mak be yin.

aMarkus 5:6

Nizen iya a tá di aYeso gugo̱k, a teng nong a tá se tigbok akuur nasho̱o̱n wu.

aMarkus 5:8

A fe̱ anong, kamok aYeso tá fe̱ be wu ye, “Wuruk kaye̱e̱r aner na, wan amaan kabik!”

aYakub 2:19

Wan no̱o̱k katsak ye Adakunom azining ne a kuse a? I se gye̱r! Amaan nabik gip a ti no̱o̱k katsak anong ne inyim.