aMarkus 5:36 - Izere New Testament

³⁶ aYeso ti tar kuto̱ natoon ike̱ng iya ba tin fe̱ baꞌ. Ayong a fe̱ be ako̱k kasho̱o̱n kutu aduwa ame ye; “Sang tu fok inyim baꞌ, no̱o̱k katsak tsek.”

aMarkus 5:36 Referans Kwoze

aLuka 8:50

aYeso ta fa fok anong, ne a fe̱ be aZharus'e ye, “Sang tu fok inyim baꞌ, no̱o̱k katsak tsek, a ta te atser.”

aYohana 11:40

Ayong aYeso fe̱ be wu ye, “Mi di ye, mi tsang i ka tak ye, ke wan ti no̱o̱k katsak, wan tà di kuyiik Adakunom a?”

aMarkus 9:23

Ayong aYeso tú ku rip ye, “Wan di ane̱, wan ta fe̱ ye, ‘Ke wan ta kyem e̱?’ Koakye ike̱ng nye ife kunye nufe aner aya a ta no̱o̱k katsak.”

aMarkus 5:34

Ayong aYeso fe̱ be wu ye, “Angas, kuno̱o̱k katsak wan sak wan te atser. Tseng caang wan n te atser kaye̱e̱r kuro̱k wan.”

aMatiyu 17:20

aYeso fe̱ be ba ye, “Kamok kuno̱o̱k katsak yin gop baꞌ. Won ta ka tak yin katsak'e, ke a fa fe̱ ye kuno̱o̱k katsak yin se hiir kyo̱ndi ica amusta ke yin kyem i fe̱ yin be kawhanang na ye, ‘Dorok aze ta be aza,’ ka tà dorok. Ike̱ng ikak tà ka gaar yin kunye baꞌ.”

aMatiyu 9:18

aYeso tá ru fe̱ anong, ako̱k kasho̱o̱n kutu aduwa akak be̱, a tá be̱ tiguum nasho̱o̱n aYeso ne a fe̱ be wu ye, “Angas'i ku kyo̱o̱rna'me. Be̱ tin sak kubo̱k ni wu nong a tà te atser.”

aMarkus 5:22

Ayong aner akak a tú ku yis ye aZharus, a tá nye ako̱k kasho̱o̱n kutu aduwa be̱ azong. A tá fa di aYeso ne a kpa na atak wu,