aMarkus 5:34 - Izere New Testament

³⁴ Ayong aYeso fe̱ be wu ye, “Angas, kuno̱o̱k katsak wan sak wan te atser. Tseng caang wan n te atser kaye̱e̱r kuro̱k wan.”

aMarkus 5:34 Referans Kwoze

aLuka 8:48

Ayong aYeso fe̱ be wu ye, “Angas, kuno̱o̱k katsak wan sak wan n te atser. Tseng caang.”

aMatiyu 9:22

aYeso tá fa kirik a tú ku di, yong a fe̱ be wu ye, “Sang wan tu daam baꞌ, angas, kuno̱o̱k katsak wan n sak wan n te atser.” Ne abining'e wor a te atser nizen iyong.

aLuka 18:42

Ayong aYeso fe̱ be wu ye, “Di karo̱, kuno̱o̱k katsak wan sak wan te atser.”

aLuka 7:50

Ne aYeso fe̱ be abining'e ye, “Kuno̱o̱k katsak wan ma ka shesh, tseng caang.”

aMarkus 5:29

A tá ra kukpiin aYeso'me ne naso̱k'e wor na nyeseng, ne a fok kaye̱e̱r kuro̱m wu ye wu n te atser kaye̱e̱r risam wu.

Itomong Ámanzo 14:9

A sonong a tá foos ike̱ng iya aBulus tá fe̱. aBulus ti sak anyisi ni wu yong a di aner ame tá min no̱o̱k katsak ye wu tà te atser.

aLuka 17:19

Ayong aYeso fe̱ be wu ye, “Dorok ta tseng, kuno̱o̱k katsak wan sak wan te atser.”

aMarkus 10:52

aYeso fe̱ be wu ye, “Tseng, kuno̱o̱k katsak wan sak wan te atser.” A wor a kpaan i di karo̱ ne a kuus aYeso. A tsang a tseng mak be aYeso.

aMatiyu 9:2

Áner akak tu ku be̱e̱n aner akak kuro̱m tá we̱ abas azining ni ike̱ng kameneng. Nizen iya aYeso tá di kuno̱o̱k katsak ba, yong a fe̱ be aner kuro̱k'e ye, “Igon'i, tu daam baꞌ, a ma ka re̱ng rine̱n wan.”

aMarkus 3:10

Kamok a tá sak ánerawe whe̱r tá te atser yong áfe iro̱k whe̱re̱ be̱s bubarak nong á tu ku ras.

aMarkus 5:33

Ayong abining ame a tá ren ike̱ng iya i tá nye kaye̱e̱r kuro̱m wu, be̱ a tá be kpa na atak aYeso'me be ikap kutiim ne inyim nong a tú ku tak katsak'e cei.

Itomong Ámanzo 15:33

Nama á ta te inom azong, áfikuus afe azong tú ku te ba niren be kuce̱ kutek ne ashou nufe kamok áya a tú ku tom ba.

Itomong Ámanzo 16:36

Iyong afek kutu itso̱m ame se tak aBulus ye, “Aner kuto̱ amok n tom ye a ra ka te yin niren be aSila. Kamok anong, tseng yin makong. Tseng yin caang.”

aYakub 2:16

Ne akak yin fe̱ be wu ye, “Tseng, mi ta mok ritek, te ares ta joosh ne iya naya ta wha,” a ra nye ikeng ikak natoon kudaam wu baꞌ, i nye akye̱ itek ne wu nye e̱?