aMarkus 5:15 - Izere New Testament

¹⁵ Nizen á tá be̱ nufe aYeso á di aner aya a tá tsang a be amaan nabik whe̱r ame nusonong. An te ares nong a tá mu ku bun gye̱r kyo̱ndi aner aya rice wu ta se rizining, yong inyim tú ro̱ ba.

aMarkus 5:15 Referans Kwoze

aKolosi 1:13

Kamok wu ne a ti tun yir kaye̱e̱r rigwo̱m awhi, a tá tseng be yir kaye̱e̱r rigwo̱m Igon wu kaya wu ta shim.

2 aTimoti 1:7

Kamok kabik kaya Adakunom ti no̱o̱k yir nye kabik kufok inyim baꞌ, amma kafe kukyem ne kushim be kuyiir rice.

aLuka 8:27

aYeso tá fa tiik nukim kudung'e, ne a nyim be aner kuwo̱p'e akak a tá be itseng. Aner na n baan be kuwon kasa, ne a sor ica'me naro̱ are̱k.

aMarkus 5:9

Ayong aYeso tú ku rip ye, “Riyerek wan nye angan e̱?” Ne a fe̱ ye, “Riyerek'i nye ‘Whe̱re̱’, kamok i se yir whe̱re̱.”

aLuka 10:39

aMarta ame be angasnyining akak a tú ku yis ye aMarya, a sonong nasho̱o̱n aYeso nong a tá foos ike̱re̱ aYeso tá se be kutaas'e.

aMarkus 5:18

aYeso ta sen no̱ kaye̱e̱r kukpara ame, ne aner aya a tá be ítseng ame nye aYeso izong ye wu ta tseng be wu.

aMarkus 5:16

Áya á tá di ike̱re̱'me tseng nong á ta se taas ánerawe ike̱re̱ iya aYeso tá nye be aner a tá be amaan nabik ame, ne itak natoon alade ame gip.

aMarkus 5:4

Kamok an me̱ ne a ku rosom ibo̱k be atak be idun kutso̱m, amma ne a te̱se̱ng cei. Akak kyem be wu baꞌ.

aMatiyu 12:29

“A ta kyem a no̱ nasa aner agap nong a ta kop ike̱re̱ wu baꞌ, ma ke a tu rosom, a ta ra kok ike̱re̱ wu'me.

aMatiyu 4:24

Anong, itak wu tseng cei ma ni iben aSuriya ne á ku be̱s be áfe iro̱k ze̱r ze̱r cice̱r ne áfe á ta se risam dide̱ng, ne áfe amaan nabik be áfe kuro̱k kucicirim ne áfe a tá we̱ abas azining. A tú sak ba á tá te atser.

aMatiyu 9:33

A ta fa tun amaan nabik'e, aner a tá tsang a nye agbanu ame fe̱ kanu. Ánerawe whe̱re̱ te zhing ne á fe̱ ye, “Yir kun di yir ike̱ng ikak ana niben Isarela baꞌ.”

aMatiyu 26:53

Yin di yin ye mi ta kyem i fe̱ be Ada mi nong a tin se̱ mo aꞌa? Ne a wor a tom ámaleka wu na ágwo̱m kuso̱k be afa.

aMarkus 5:14

Áner áya a ta se be ku ni sak riye̱ na álade ame tsang á teng nong á ta se taas ike̱ng iya i tá nye kaye̱e̱r kuwo̱p ne ni iwo̱p izhizhe̱k'e i ta se bubarak. Ne anerawe'me wuruk nong á tá be̱ di ike̱ng i tan nye.