aMarkus 4:26 - Izere New Testament

²⁶ aYeso bun a fe̱ ye, “Rigwo̱m Adakunom ta se kyo̱ndi anerawe tá nas naya riko̱ wu.

aMarkus 4:26 Referans Kwoze

aMatiyu 13:24

aYeso bun a tu tak ba kumaas kukak gbak ye, “Rigwo̱m kaza se kyo̱ndi aner a tá nas alikama riko̱ wu.

aLuka 8:11

“Iyu ne i nye ike̱ng iya kumaas'e ta sor, íca naya'me nye rife̱ Adakunom.

aLuka 8:5

“Aner ikap akak be ni nas izha naya. Nizen iya a tá se be kunas'e, íca'me ikak kpas niren ne á shesh, ne nanon tang.

aYakub 3:18

Áfe a ta be̱ be kusor acaang, aya a ta tuus kaye̱e̱r acaang ne a ta nye ishamang ijel'e.

aYohana 12:24

Katsak'e ne mi ta ka tak yin, sang ke a te ica naya kaben nong i ta bus baꞌ, i ta sor ica'me izining tsek. Amma ke i bus, to̱, ne i no̱o̱k íca whe̱re̱.

aLuka 13:18

aYeso fe̱ ye, “Rigwo̱m Adakunom se kyo̱ndi akye̱ e̱? Mi tin maas be akye̱ e̱?

aMatiyu 13:33

A bun a tu nye ba kumaas kukak gbak ye, “Rigwo̱m kaza se kyo̱ndi ayisti aya abining akak tá sok a tin gung be amudu ataar afe ikpe alikama ma alikama'me dorok a ta te cip.”

aMatiyu 13:31

aYeso bun a tú ku nye ba kumaas kukak ye, “Rigwo̱m kaza se kyo̱ndi ica amusta anerawe tá sok a ta tuus riko̱ wu.

aMatiyu 13:11

aYeso fe̱ be ba ye, “Yin a ta no̱o̱k yin kukyem kuren ike̱re̱ rigwo̱m kaza, ike̱re̱ i ta se nune̱re̱ng. Amma ba a tu shim ba'me baꞌ.

aMatiyu 13:3

Ayong a tú ku taas ba ike̱re̱ whe̱re̱ be ku ninye kumaas. A fe̱ ye, “Aner ikap akak tseng a ta se nas naya riko̱.

aMatiyu 4:17

Kum be izen iyong aYeso san awazi, ye; “Shishing yin kuse yin kamok rigwo̱m kaza m be̱ bubarak.”

aMatiyu 3:2

Ne a fe̱ ye, “Shishing yin kuse yin, kamok rigwo̱m kaza m be̱ bubarak.”

aMarkus 4:25

Aner aya a ta be ike̱ng iya a tu ku barang mo. Aner aya a be baꞌ, ike̱ng iya wu ta be cie̱k'ong a tin shan ni wu.”

aMarkus 4:27

Nama inom cie̱k, ne naya'me tang ne na rasak, wu ren ka akye̱ ne i sak i ta te anong baꞌ.