aMarkus 4:20 - Izere New Testament

²⁰ Amma íca'me iya i tá kpas niben itek se kyo̱ndi áner aya a tá fok rife̱'me, ne á shan, ne á te ike̱ng itek dide̱ng, ikak tes iso̱k itaar, ikak iso̱k igataar, ikak kuso̱k inyak ma i nar ike̱ng iya a tá tuus.”

aMarkus 4:20 Referans Kwoze

aKolosi 1:10

Yir nye yir aduwa nong ase̱ yin ta sor yin kusor kuri kuya ku ta tas kufe áfikuus Agwo̱m Ágwo̱m ne i nye yin ike̱re̱ iya i tana ku kare̱p riye̱ na koakye kuri iren. Kuri kusor yin ta sor yin ta tonong ye kuse kutek ne yin ni barang yin kurasak kaye̱e̱r kuren Adakunom.

aLuka 8:15

Íca ife i ta kpas niben itek nye áner aya a tá shan rife̱'me be riye̱ rizining, áfe a ta fok rife̱ Adakunom ne á ninye itomong ne á na ka tsesek ma ne á te ike̱ng itek.

aMarkus 4:8

Ne íca'me íkak kpas niben itek, ne i rasak ne i te itek dide̱ng, ikak kuso̱k inyak ne ikak te ace iso̱k igataar ne ikak te iso̱k itaar ne i nar ike̱ng iya a ta nas.”

aMatiyu 13:23

Ike̱ng á tá tuus niben itek ne i nye aner a ta fok rife̱'me ne a ren ike̱ng iya rife̱'me ta sor. A te ace kuso̱k inyak ne íkak iso̱k igataar ka iso̱k itaar ne i nar ike̱ng iya a tá tuus.”

2 aBitrus 1:8

Ke yin be yin kuse kutek anong koakye izen, kuren Agwo̱m Ágwo̱m yin ta ren yin ta ka be̱n yin ifeng ne itomong nufu.

aRom 7:4

Kamok anong ároneng, yin gip yin te yin kyo̱ndi yin kus yin nitak kukuus Itsi, kamok riku aYeso sak yin wher yin nitak Itsi, nong yin ta te yin afe akak ze̱e̱r, wu aya a tú ku dorok nure̱k, nong ase̱ yin tà nye yin itomong itek kamok Adakunom.

aYohana 15:16

Sang yin ne i ti kasa yin baꞌ, amma mi ne i tá ka kasa yin, nong ta se tes yin kutes kutek, kuya ku tana sor ma izen izen. Be anong ne Ada mi tà ka no̱o̱k yin koakye ike̱ng iya yin ta rip yin kaye̱e̱r riyerek'i.

1 aTasalonika 4:1

Ni igang'e ároneng, yir ta nye yin izong ne i bun i ka no̱o̱k yin itabak kaye̱e̱r riyerek Agwo̱m Ágwo̱m yir ye, sor yin kuri kusor kuya Adakunom tana fok kusas'e kyo̱ndi yir tá ka bo̱so̱p yin'e. Yin sor yin kusor kutek gye̱rtatan, amma nibarang yin kunye anong.

aFilipi 1:11

Kamok nong, yin tà shining yin be kuse kuzhe̱l'e a ta se̱ nufe aYeso Kiristi nong ase̱ Adakunom tà se̱ kuyiik be nakerek.

aMatiyu 13:8

Ica'me ikak kpas naro̱ katek ne i te kusu saase, ikak kuso̱k inyak ne ikak te ace iso̱k igataar ne ikak te iso̱k itaar ne i nar ike̱ng iya a ta nas.

aYohana 15:2

Iwhang iya i ta se kaye̱e̱r'i, i tà tes baꞌ a ta te̱se̱ng. Iwhang'e iya i ta tes, ne a nye gye̱r nong i tin barang kutes dide̱ng.