aMarkus 4:17 - Izere New Testament

¹⁷ amma rife̱'me kpa agap naye̱ ba baꞌ, a sor dide̱ng baꞌ. Ke izen iya ne kudaam ka kutabak be̱ kamok rife̱'me ne a wor a kpa.

aMarkus 4:17 Referans Kwoze

aMatiyu 11:6

Aner riye̱ rikan ne a nye aner aya a tin be agak riye̱ natoon mi baꞌ.”

Ike̱ng a ta tonong aYohana 2:10

Sang tu fok inyim risam wan tana so̱ baꞌ. Won ta ka tak, Amaan Aner tà te ákak yin nitso̱m nong a ta ka bo̱mo̱ng yin ne a ka tabak yin ma kuko̱s kuso̱k. Amma nyeseng be agap nong ko a ta ka fe̱r kamok mi, mi tà ka no̱o̱k ishorong kutser kufe izen izen.

aMatiyu 12:31

Kamok anong, mi shim ta ka tak yin, koakye kuri rine̱n ne ánerawe nye ka kuzhe̱e̱sh Adakunom, a tù ku re̱ng'e, amma aner aya ne a zhe̱e̱sh Kabik Kazhe̱l'e, a tù ku re̱ng riyong nigaan'e baꞌ.

Ike̱ng a ta tonong aYohana 2:13

Mi ren wan sor naro̱ Ishetan tu ku nye rigwo̱m. Gip be anong, wan ti kuus be katsak. Sang wan min kirik kama i ta won ku kuni no̱o̱k katsak natoon'i baꞌ, nizen a tá fe̱r Antipas a ta nye asam'i atek nuwo̱p wan, naro̱ kaya Ishetan tú ku se.

1 aYohana 2:19

Ámudo̱n'e se kaye̱e̱r yir nizham a tá ra wuruk, ba kun se mak be yir nigaan'e baꞌ. Ke a fa nye ye ba nye afikuus be yir katsak'e, ke a sor mak be yir. Kukam ba be yir tonong ye ba nye afe yir baꞌ.

Ibrani 10:29

Ke itak'e se anong, akye̱ kuri ike̱ng ne yin di yin ye a tá nye be áner aya a ta zhe̱e̱sh Igon Adakunom ne á nye kpe̱de̱ng be naso̱k na tú ku kusu ba kyo̱ndi na se zhe̱l baꞌ, a fe̱ imaan'e natoon Kabik Kazhe̱l'e kafe ritek Adakunom e̱?

2 aTimoti 4:16

Nizen iya a tá tseng be mi naro̱ amok ni ime̱se̱ng'e, akak ti tobok baꞌ, koangan ti won. Mi mok ye Adakunom tà yiir iyong natoon rice ba baꞌ.

2 aTimoti 1:15

Wan ren ye koangan niben Asiya ti kirik kama, ma be aFizhilus ne aHamozhanis gip.

aYohana 8:31

Ayong aYeso fe̱ be áner aYahuda áya a tin no̱o̱k katsak ni wu ye, “Ke yin kuus yin kubo̱so̱p'i, to̱, yin nye yin álimazhiri mi áfe katsak.

aLuka 12:10

Koangan ne a fe̱ imaan'e natoon Igon Anerawe a tu ku re̱ng'e, amma aner aya ne a zhe̱e̱sh Kabik Kazhe̱l'e a tu ku re̱ng'e baꞌ.

aMatiyu 13:21

Amma sang a ra be atsip baꞌ, a sor nizen cie̱k tsek. Izen iya ne kudaam ka kutabak be̱ kamok rife̱ Adakunom'me ne a wor a kubun kama.

2 aTimoti 4:10

kamok aDemas min won kamok kushim kazatse na, nong a tá be na aTasalonika, aKirishen be na aGalati, aTitus be aDalmatiya.

aGalati 6:12

Áner aya a ta shim yin tu ku di ba kyo̱ndi ba nye ike̱ng ikak, a shim a ta ka sak yin ta nye yin izhak. Ike̱ng i ta sak ba ta nye anong, nye fan a ba ka tabak ba kamok itak kutigak aKiristi.

aMarkus 4:16

Anong ne íca'me íya i ta kpas nifang agudong, se kyo̱ndi ánerawe aya a tá fok rife̱'me ne á shan be aye̱ akan,

aMarkus 4:18

Íca'me iya i ta kpas kaye̱e̱r ikiritsan se kyo̱ndi áner aya á ta fok rife̱ Adakunom,