aMarkus 4:15 - Izere New Testament

¹⁵ Íca'me íya i tá kpas niren se kyo̱ndi áner aya a ta fok rife̱ Adakunom. Amma kum ke á fok, ne Ishetan be̱ ne i kok rife̱'me kaye̱e̱r aye̱ ba.

aMarkus 4:15 Referans Kwoze

1 aBitrus 5:8

Yiir yin rice yin ne i sak yin riye̱ kamok amudo̱n yin Ishetan tsang a kar kyo̱ndi azaki a tsang a muus kamok a tse̱r aner aya wu tana fe̱r.

aMatiyu 13:19

Ke anerawe fok rife̱ natoon rigwo̱m kaza, a ra ren ike̱ng iya i ta sor baꞌ. Amaan aner'e be̱ nong a ta turung ike̱ng iya a tan tuus kaye̱e̱r riye̱ aner'e. Ayong ne a nye íca'me iya i ta kpas niren.

2 aKoranti 2:11

Mi nye anong fan Ishetan bu se̱ i ren kaye̱e̱r yir. Kamok yir ren yir iren ritse̱ng wu ta kuus.

aLuka 8:12

Ífe i tá kpas niren nye ánerawe aya á tá fok rife̱ Adakunom, ne Ishetan be̱ ne a kok rife̱'me kaye̱e̱r aye̱ ba, fan á bu no̱o̱k katsak nong á tà se̱ kashesh.

aMarkus 4:4

Nizen iya a tá se be kunas'e, íca'me ikak kpas ni iren ne nanon tang.

Itomong Ámanzo 5:3

Ayong aBitrus fe̱ be wu ye, “Ananiya, akye̱ sak wan won Ishetan tá no̱ kaye̱e̱r riye̱ wan ma a tá ka sak wan bo̱ Kabik Kazhe̱l'e abo̱o̱s i tá sak ribir itso̱m karo̱ wan tá re̱p nukim e̱?

Ike̱ng a ta tonong aYohana 20:10

Ne amaan aner, aya a tá ka wo̱ro̱k ba ame, a tù ku barak kaye̱e̱r icen kuro̱ng kuya ku ta cishek dide̱ng ne itong ikan kyo̱ndi ife abindiga. A tù ku barak naro̱ kazining be kukewum ame ne áner kuzarap afe abo̱o̱s ame. Á tà so̱ risam azong kunom be katuk ma izen izen.

Ike̱ng a ta tonong aYohana 20:7

Nama aye̱ izungu izining'ong tá gor, a tà tun Ishetan naro̱ kaya a tú ku te nitso̱m,

Ibrani 2:1

Kamok anong, i ni barang yir ku ni sak yir riye̱ natoon ike̱re̱ i tan fok yir fan i bu te yir titak ta won yir iren'e.

2 aTasalonika 2:9

Agwo̱m kushonong'e, tá be̱ be kunye ike̱re̱ kuri ife Ishetan, a tà nye ike̱re̱ azhing ne kukyem ne kubok be abo̱o̱s,

aMatiyu 22:5

“Amma ko á ti tar kuto baꞌ. Á tseng ako̱o̱n ba, akak be riko̱ wu ne akak be naro̱ rizhik wu.

Ike̱ng a ta tonong aYohana 12:9

Ayong a barak Kuwhen ame kaben. Wu ne a nye kuwhen kugbazen'e ame a ta yis ye Amaan Aner ka Ishetan ayi. Wu ne a wo̱k kazatse cice̱r nong kazatse ta wei. A tu barak kaben mak be ámaleka wu ame.

aMatiyu 4:10

aYeso fe̱ be wu ye, “Kam be mi Ishetan! Kamok ise ni izibir ye, ‘Agwo̱m Ágwo̱m wan Adakunom ne wan tù ku ya iben ne i ku nye itomong wu ze̱r tsek.’ ”

Ibrani 12:16

Sang tu won yin akak tu kuus ányining kpe̱de̱ng ka a tu se dar inyim Adakunom kyo̱ndi Isuwa tá sok risho̱n wu a tá re̱p acek wu'me kamok naya kakereng kazining baꞌ.

Itomong Ámanzo 17:32

Nizen iya ba tá fok aBulus tá fe̱ itak kudorok ikom nure̱k, yong á tú ku mas. Ákak fe̱ ye, “Yir shim tin barang yir kufok itak na gbak.”

aMarkus 4:14

Aner ikap'e se kyo̱ndi aner a ta nas rife̱ Adakunom.

aMarkus 4:16

Anong ne íca'me íya i ta kpas nifang agudong, se kyo̱ndi ánerawe aya a tá fok rife̱'me ne á shan be aye̱ akan,