aMarkus 4:11 - Izere New Testament

¹¹ Ayong aYeso fe̱ be ba ye, “A ma ka no̱o̱k yin kukyem kuren ike̱re̱ rigwo̱m Adakunom i ta se nune̱re̱ng, amma ba áfe a ta se nufang, koakye ma be kumaas,

aMarkus 4:11 Referans Kwoze

aMatiyu 11:25

Nizen iyong aYeso fe̱ ye, “Mi be riye̱ rikan Ada, Agwo̱m Ágwo̱m atek kaza be kaben, kamok wan ta ne̱r áya a ta be ritseng ne áya a ta ren ike̱ng, ike̱re̱ na ne i tonong áya a ta be kumees rice.

aLuka 8:10

aYeso tú tak ba ye, “A ma ka no̱o̱k yin kukyem kuren ike̱re̱ rigwo̱m Adakunom i ta se nune̱re̱ng, amma be ákak mi ta fe̱ ne i ninye kumaas, nong a se̱ “ ‘Á ta ye̱re̱k gye̱r tatan, amma á tà ra di baꞌ. Á tà foos gye̱rtatan, á tà ra ren ike̱ng iya á tin fe̱ baꞌ.’

1 aYohana 5:20

Yir ren yir gip ye Igon Adakunom m be̱ nong a tin no̱o̱k yir kuren ike̱ng nong ta ren yir aya a ta nye katsak. Yir se yir kaye̱e̱r Adakunom a ta nye katsak, kamok yir se yir kaye̱e̱r Igon wu aYeso Kiristi. Wu ne a nye Adakunom afe katsak ne a nye kutser kufe izen izen.

1 aTasalonika 4:12

Nong ase̱ kuse yin ta se̱ kuyiik nufe áya sang a ta nye áfikuus baꞌ, ne i bun i se̱ yin ike̱re̱ ife rice yin fan i bin fereng yin na akak.

aKolosi 4:5

Sak yin riye̱ be kutseng yin kaye̱e̱r áner aya sang á ta nye áfikuus baꞌ. Ni nye yin itomong be koakye izen ife yin ta se̱ yin.

1 aTimoti 3:7

Ako̱k kasho̱o̱n ikilisiya ra nye aner aya áfurin ta fe̱ itek natoon wu, fan á bu ku te isum ne a kpa nubo̱k Amaan Aner.

Afisa 1:9

Adakunom sak yir ren yir ike̱ng wu iya i ta se nune̱re̱ng kyo̱ndi wu ta shim, iya a ta nye kanye̱k'e kaye̱e̱r aKiristi.

2 aKoranti 4:6

Kamok Adakunom fe̱ ye, “Won akanang tu ya kaye̱e̱r awhi.” Wu ne a sak akanang'e ta sam kaye̱e̱r aye̱ yir, nong a ta sam kaye̱e̱r ánerawe nasho̱o̱n nong a ta ren kuyiik Adakunom nanyisi aKiristi.

aMatiyu 16:17

aYeso fe̱ be wu ye, “aSiman igon aZhona, wan nye aner riye̱ rikan kamok sang anerawe ne a ta tonong iyu baꞌ, ma ke Ada mi afe a ta se kaye̱e̱r kaza ne a ta ka tonong.

aMatiyu 13:16

“Amma aner riye̱ rikan nye yin kamok anyisi yin ta di ne ato yin foos.

1 aKoranti 4:7

Angan ta sak wan ta nar akak e̱? Akye̱ ne wan be a ta won dar a ka no̱o̱k e̱? Ke i nye ye a tá no̱o̱k koakye ike̱ng iya wan ta be, to̱, akye̱ sak wan ta ya kuka kyo̱ndi a tá no̱o̱k baꞌ e̱?

aMarkus 3:23

Ayong aYeso yis ánerawe'me nong a tá fe̱ be ba kaye̱e̱r kumaas ye, “Ishetan ta nye ane̱ i ta tun Ishetan e̱?

aMarkus 4:2

Ayong a tú ku bo̱so̱p ba ike̱re̱ whe̱re̱ be ku ninye kumaas, kaye̱e̱r kubo̱so̱p'e, a fe̱ be ánerawe'me ye,

aMarkus 4:10

Nizen aYeso tá se be álimazhiri wu kuso̱k be afa'me awan ba, ne ákak áfe a tá se azong, tú rip ike̱ng ife kumaas'e tá sor.