aMarkus 3:9 - Izere New Testament

⁹ Kamok ánerawe tá nar agap yong aYeso fe̱ be álimazhiri wu ye, á ra su ku tse̱r kukpara ashi kurisher nong a tin no̱, fan á bu mak á ku firik.

aMarkus 3:9 Referans Kwoze

aYohana 6:15

aYeso tá ren ye ba se be kanye̱k nong a tù ku sak a tà te agwo̱m be agap, ayong a bun a tú bun natoon kawhanang wu ze̱r.

aMarkus 5:30

Nizen iyong, aYeso wor a ren ye kukyem n wuruk kaye̱e̱r kuro̱m wu. Ayong a kirik nabas ánerawe ame, nong a tú ku rip ba ye, “Angan ra kukpiin'i e̱?”

aMatiyu 15:39

Nizen iya aYeso tá te ánerawe'me niren, a no̱ kaye̱e̱r kukpara ashi á tá be niben aMagadan.

aMarkus 4:1

aYeso bun a san ku bo̱so̱p ánerawe nukim agbang kudung aGalili. Ánerawe aya a tú ku gorok mak whe̱re̱ ma ayeso'me no̱ kaye̱e̱r kukpara ashi nong a ta sonong kaye̱e̱r'e. Kukpara ashi'me se nukim kudung'e, ne ánerawe'me cice̱r na tusung bubarak azong.

aMarkus 4:36

Ayong á won rigwo̱m ánerawe'me, ne á ku sok nong á tá tseng kaye̱e̱r kukpara ashi ba tin se kaye̱e̱r'e. Akpara ashi ákak tuse azong gip.

aMarkus 5:2

Nizen iya aYeso tá wuruk kaye̱e̱r kukpara ashi, aner akak a tá be amaan kabik wuruk naro̱ a tú ku ne̱se̱k ánerawe, nong a tá nyim be aYeso'me.

aMarkus 6:32

Ayong á no̱ kaye̱e̱r kukpara ashi nong á tá tseng naro̱ kakak wu ze̱r.

aLuka 5:1

Katuk kakak aYeso se nunyeseng nanu kudung aZhanisarat yong ánerawe'me tú ku firik nong á tà fok rife̱ Adakunom.

aLuka 5:3

Ayong aYeso no̱ kaye̱e̱r kukpara'me kukak, ku ta nye kufe aSiman, a tá fe̱ be wu ye, a ra sees be kukpara ame kaye̱e̱r ashi'me nong a tin sonong kaye̱e̱r'e nong a tà se̱ karo̱ a tú ku bo̱so̱p ánerawe'me.