aMarkus 3:7 - Izere New Testament

⁷ Ayong aYeso naka ko̱ro̱k be álimazhiri wu, á kuwo̱p'me nong á tá be nukim kudung aGalili. Ánerawe aGalili whe̱re̱ tú ku kuus.

aMarkus 3:7 Referans Kwoze

aLuka 6:17

aYeso tiik be ámanzo ame naro̱ ka ta se ne̱k. Rigwo̱m ánerawe tuse azong áya a tá nye alimazhiri wu, ne ánerawe aya a nes niben aYahuda be aUshalima ne áfe iben aTaya be aSidon.

aMatiyu 4:25

Rigwo̱m ánerawe whe̱re̱ nes na aGalili ne kaben ka ta be iwo̱p kuso̱k be afa ne áfe aUshalima be áfe iben aYahuda ne áfe a ta tar Isho̱ng aUrdun cice̱r be̱s nufu.

aMatiyu 12:15

aYeso ta ren anong, iyong a dorok a tá won karo̱ kayong. Ánerawe whe̱re̱ tú kuus ne sak áfe iro̱k te atser cei.

aLuka 23:5

Amma ánerawe'me yiir'e kar kar ye, “Aye̱ ánerawe niben aYahuda cei n dorok naza be kubo̱so̱p wu. A san'e na aGalili yong a n be̱ ma aze.”

aLuka 6:12

Katuk kakak, kaye̱e̱r inom iyong aYeso ngarak natoon kawhanang nong a tá nye aduwa. A ko̱so̱ i nye aduwa'me.

aMarkus 1:39

Iyong á tsang á tseng koake̱ kaye̱e̱r iben aGalili ne a tsang á taas rife̱ Adakunom kaye̱e̱r atu aduwa ba ne á turung ámaan nabik.

aMatiyu 10:23

Ke á ta tabak yin nuwo̱p kukak, to̱, ne yin teng yin ta be yin kaye̱e̱r kuwo̱p kukak. Katsak'e ne mi ta ka tak yin, nizham yin tà ra gang yin kugorok iwo̱p Isarela cice̱r Igon Anerawe ta tsang ka be̱.

Itomong Ámanzo 17:14

Gbashak áfikuus ákak wor a dorok be aBulus'e á ta se ku sak nukim agbang kudung, amma aSila be aTimoti tú ku fan na aBiriya'me.

Itomong Ámanzo 17:10

Kum karo̱ tá fa te katuk ne áfikuus te aBulus be aSila niren nong a tá be na aBiriya. Á tá fa se no̱ azong tsek ne á tseng nutu aduwa áner aYahuda.

aYohana 7:52

Ayong á fe̱ be wu ye, “Wan nye aner aGalili'me gip a? Fa rife̱ Adakunom ta di, aner kuzarap kun wuruk na aGalili baꞌ.”

aYohana 7:41

Ákak ba bun á fe̱ ye, “Ayu ne a nye aKiristi'me.” Amma ákak bun á rip ye, “Aser, aKiristi'me ta wuruk na aGalili e̱?

aMatiyu 12:16

A tú ku ko̱ro̱k ba kuto ye, sang á tu tak akak ka wu nye angan e̱ baꞌ.

aMarkus 1:45

Kum aner ame tá fa wuruk ne a kpaan kutaas'e koake̱ ma a sak aYeso ba kyem a no̱ kaye̱e̱r kuwo̱p'e baꞌ, a sor naro̱ anerawe tuse baꞌ. Gip be anong, ánerawe nes na naro̱ ze̱r ze̱r nong á be̱s nufu.

aMarkus 3:20

Ne aYeso no̱ nasa kakak be álimazhiri wu, ánerawe whe̱re̱ se na ka tusung azong gbak, ma wu be álimazhiri wu'me kyem á se̱ izen kuya naya baꞌ.

aMarkus 4:1

aYeso bun a san ku bo̱so̱p ánerawe nukim agbang kudung aGalili. Ánerawe aya a tú ku gorok mak whe̱re̱ ma ayeso'me no̱ kaye̱e̱r kukpara ashi nong a ta sonong kaye̱e̱r'e. Kukpara ashi'me se nukim kudung'e, ne ánerawe'me cice̱r na tusung bubarak azong.