aMarkus 3:29 - Izere New Testament

²⁹ Amma koangan ne a zhe̱e̱sh Kabik Kazhe̱l'e, a tù ku re̱ng rine̱n riyong nigaan'e baꞌ. A nye agbang rine̱n ri tana sor ma izen izen.”

aMarkus 3:29 Referans Kwoze

aLuka 12:10

Koangan ne a fe̱ imaan'e natoon Igon Anerawe a tu ku re̱ng'e, amma aner aya ne a zhe̱e̱sh Kabik Kazhe̱l'e a tu ku re̱ng'e baꞌ.

2 aTasalonika 1:9

Á tù ku te̱n ba amok riku rife izen izen, á tù ku ro ba nasho̱o̱n Agwo̱m Ágwo̱m'me ne nasho̱o̱n kukyem kuyiik wu.

aZhud 1:13

Á se kyo̱ndi ashi ta tang agung kaye̱e̱r agbang kudung be kuren ne a turung afufuk. A se kyo̱ndi ádar áya a ta tsang á kar kpe̱de̱ng. An sak amaan awhi kamok ba ma izen izen.

aMarkus 12:40

Ne a mo̱o̱r ike̱re̱ ákumung ne a nye aduwa aso̱p nong á ta tonong kuren ike̱ng, áner ayong ne Adakunom tà ka to̱ ba amaan amok.”

aMatiyu 25:46

“Aner ayu ne á tá no̱ kaye̱e̱r risam kufe izen izen, amma aya a ta se gye̱r nasho̱o̱n Adakunom ta se̱ kutser kufe izen izen.”

aZhud 1:7

Anong ne i se be aSodom ne aGomora ne iwo̱p iya i ta se bubarak be ba, iya i tá te rice ba ninye rikuna ma á kuus ike̱re̱ kuro̱m ife kurisik'e kyo̱ndi ámaleka'me tá nye. Ike̱ng iyong tonong kuri risam riya á tana so̱ kaye̱e̱r kuro̱ng kufe izen izen.

aMatiyu 9:3

Be kufok anong áner kubo̱so̱p itsi ákak fe̱ kaye̱e̱r aye̱ ba ye, “Aner na zhe̱e̱sh Adakunom.”

aMarkus 3:30

aYeso fe̱ anong kamok ba fe̱ ye wu be amaan kabik.