aMarkus 2:20 - Izere New Testament

²⁰ Izen saase ife a tana kam aner a ta sok abining afas'e be ba. Nizen iyong ne ba tà nye azumi.

aMarkus 2:20 Referans Kwoze

aLuka 17:22

aYeso fe̱ be álimazhiri wu ye, “Izen saase a tana ka te yin ke i di yin kunom kuzining kaye̱e̱r inom Igon anerawe, ko yin ra di yin baꞌ.

Ike̱ng a ta tonong aYohana 21:9

Ayong amaleka azining kaye̱e̱r ámaleka kanataar a tá be nakereng na tá be amaan risam kanataar nafe igang ame be̱ a tá fe̱ be mi ye, “Be̱ mi tà ka tonong abining afas Aturuk ame tan sok.”

Ike̱ng a ta tonong aYohana 19:7

Won i tu nye yir riye̱ rikan ne i fok yir kusas'e ne i ku tiyiik yir! Kamok izen kuwe̱ne̱ng Aturuk'e n nye. Abining wu afas n naka zem.

2 aKoranti 11:27

Mi n nye itomong dide̱ng, mi n so̱ risam dide̱ng, mi n so̱ kuko̱s dar ida, mi n so̱ kusor be izong be kuto̱ kukoor nizen ikak dar naya, kuwun ti shirim ne i sor ica'me.

2 aKoranti 11:2

Mi be rifuup kamok yin, kuri rifuup riya Adakunom ta be natoon yin. Mi ma ka nye yin kanye̱k kuwe̱ne̱ng mak be aKiristi, mi shim yin tu sor yin zhe̱l nong mi ta ka nabak yin kyo̱ndi a ta no̱o̱k abining afas zhe̱l nasho̱o̱n amitek wu.

1 aKoranti 7:5

Sang tu naka roon yin'e baꞌ, ma ke i ti sak yin ta nye yin anong kaye̱e̱r izen cie̱k nong ase̱ tin te yin rice ni inye aduwa. Nama anong ne yin bun i nyim yin fan Ishetan ba ka te yin afartak kamok kudun kuyiir rice yin.

Itomong Ámanzo 14:23

aBulus be aBarnabas tú kasa ba áko̱k kasho̱o̱n ikilisiya be kunye aduwa ne azumi ne á ku won ba nubo̱k Agwo̱m Ágwo̱m aya ba tin no̱o̱k katsak.

Itomong Ámanzo 3:21

Wu tà sor azong kaye̱e̱r kaza ma nizen iya Adakunom tana shishing koakye ike̱ng nizham kyo̱ndi wu tá tsang a fe̱ gbugbang ni nanu áner kuzarap wu ázhe̱l'e.

Itomong Ámanzo 1:9

Nama aYeso tá fe̱ anong ne a ku sok a tá tseng kaye̱e̱r kaza ne ba ye̱re̱k. Kune̱n tú ku kis, á ba kyem a tú ku di baꞌ.

aYohana 17:13

“Mi saase nufuan kyo̱o̱rna. Amma mi ta nye izong ike̱re̱ na kum ne mi ruresek kaye̱e̱r kazatse, nong ase̱ ba tà shining be kuri riye̱ rikan riya mi tá be kaye̱e̱r ba.

aYohana 17:11

Mi saase nufuan, mi tà ba sor nazatse na baba baꞌ. Amma ba ruresek kaye̱e̱r kazatse na nizham. Ada Azhe̱l'e, ku fek ba be riyerek wan rife̱ kukyem, riyerek riya wan tin no̱o̱k, nong ba tà sor azining kyo̱ndi mi ta se be wan.

aYohana 16:28

Mi ne nufe Ada'me, i ta be̱ nazatse. Kyo̱o̱rna mi sen won kazatse'me nong tù ku bun nufe Ada'me.”

aYohana 16:7

Amma katsak'e ne mi ta ka tak yin: Kutseng'i tà ka sor yin ike̱ng itek kamok ke mi tseng baꞌ, Aner Kutobok ame tà be̱ baꞌ. Amma ke mi tseng mi tà se ka tom yin'e.

aYohana 13:33

“Inoon'i, mi tà se be yin nizen cie̱k tsek. Yin tin tse̱r yin, amma kyo̱ndi mi tá fe̱ be áner aYahuda, anong ne mi bun i fe̱ be yin ye, ‘Karo̱ kaya mi tù ku be yin ta kyem i tseng yin baꞌ.’

aYohana 3:29

Abining afas nye afe aner a tu ku sok. Afertseng wu kuus kama aner a ta sok abining afas'e tsek. Ne a nye riye̱ rikan ke a fok kuto̱ aner a tá sok abining afas'e. Be anong ne riye̱ rikan'i ma shining.

aMatiyu 26:31

Ayong aYeso fe̱ be ba ye, “Natuk na, yin ta teng yin tin won yin. Kamok i se ni izibir ye, “ ‘Mi tà fe̱r áfek itsamang'e ne itsamang'e te shaam.’

2 aKoranti 6:5

be itsor ne a ni tes yir nitso̱m be kuren ne amaan itomong be kuko̱s dar ida be kusor be izong.

aYohana 12:8

Yin tà se yin mak be áfe rizor ye̱r ye̱r, amma mi tà se mak be yin ye̱r ye̱r baꞌ.”

aMatiyu 9:15

aYeso fe̱ be ba ye, “Áferime̱ aner aya a ta sok abining afas ta nye riye̱ riwe kum ne ba rusek be aner aya a tá nye kuwe̱ne̱ng'e a? Izen saase ife á tana sok aner a tana ku rosom kuwe̱ne̱ng'e nasho̱o̱n ba, nizen iyong ne ba ta nye azumi.

aMarkus 2:19

Ayong aYeso fe̱ be ba ye, “Áfertseng aner a ta sok abining afas ta nye azumi kum ne ba rusek mak be aner a tá sok abining afas'e a? Kum ke i nye ye ba rusek mak be aner kuwe̱ne̱ng kufas'e, ba ta kyem a sor anong baꞌ.

aMarkus 2:21

“A sok kures kufas, nong a ta tos be itan'e izen baꞌ, ke a nye anong, itan'e iyong ta bun i furuk, ne karo̱'me nibarang kusarak.

aLuka 5:35

Izen saase ife á tana kam aner a tá sok abining afas'e be ba. Nizen iyong ne ba ta nye azumi.”