aMarkus 2:17 - Izere New Testament

¹⁷ aYeso tá fa fok anong, ayong a fe̱ be ba ye, “Aner aya a ta nye atser tse̱r abok baꞌ, amma afe iro̱k tse̱r. Mi be̱ ta yis aya a ta di ye ba se gye̱r nasho̱o̱n Adakunom baꞌ, amma áfe rine̱n.”

aMarkus 2:17 Referans Kwoze

aLuka 15:7

Mi ta ka tak yin, anong ne i se kaye̱e̱r kaza, a tà nye riye̱ rikan kamok afe rine̱n azining a tá shishing kuse wu, ne a nar áner iso̱k katonbo̱k be katonbo̱k á ta nye azhe̱l'e áya a tan tsang á shishing kuse ba.”

aLuka 19:10

Kamok Igon Anerawe be̱ nong a tà tse̱r ne a shesh ike̱ng i tan wei.”

aYohana 9:40

Áner aFarisi akak aya a tá se be wu tú fok a tá fe̱ anong, yong á tu ku rip ye, “Akye̱ e̱? Yir nye yir ákpato̱o̱n'e gip e̱?”

aLuka 15:10

Anong ne i ta se gip, mi ta tak yin, ámaleka Adakunom tà nye riye̱ rikan ke afe rine̱n azining shishing kuse wu nong a ta shan Adakunom.”

aLuka 15:29

Amma igon'e fe̱ be atek'e ye, ‘Ada, di aye̱ na cei mi kun yiir ka nye itomong, mi kun ka shonong baꞌ. Gip be anong wan kun ni no̱o̱k kaban ibon nong tin nye riye̱ rikan be áferime̱ mi baꞌ.

aTitus 2:14

aYeso ne no̱o̱k rice wu nong a tin sheshek yir kaye̱e̱r amaan kunye yir ne a ni kusu yir nong tá sor yir áfu ne i shim kunye yir ike̱ng iya i ta nye itek.

Itomong Ámanzo 20:21

Mi n taas áner aYahuda be áner aHeleni ye á ra shishing kuse ba á tu ku bun nufe Adakunom dim ne á ni no̱o̱k katsak na Agwo̱m Ágwo̱m yir aYeso.

aLuka 16:15

aYeso fe̱ be ba ye, “Yin ne i shim yin ánerawe ta ka di yin ye yin nye yin áner katsak, amma Adakunom ren aye̱ yin. Ike̱re̱ ánerawe ta di yiik i se fe̱re̱ nufe Adakunom.”

aMatiyu 18:10

“Sak yin riye̱ sang yin tu zhe̱e̱sh yin azining kaye̱e̱r azhizhe̱k'e na baꞌ, kamok mi kun ka tak yin ye, ámaleka ba kaye̱e̱r kaza yiir iye̱re̱k kanyisi Ada mi a ta se kaye̱e̱r kaza.

Itomong Ámanzo 26:20

Ni ime̱se̱ng'e, mi san kutaas áner aDamaskus rife̱ Adakunom ne áya a ta se na aUshalima ne áfe iben aYahuda cice̱r. Mi bun i taas áya sang á ta nye áner aYahuda baꞌ, ye á ra shishing kuse ba nong á tu ku bun nufe Adakunom ne á nye ike̱re̱ iya i tana tonong ye ba n shishing kuse ba.

aYohana 9:34

Ba fe̱ be wu ye, “Wan afe a tá ka tes kaye̱e̱r rine̱n, ne wan bun i di ye wan tin bo̱so̱p yir a?” Ayong á tú ku tun.