aMarkus 2:16 - Izere New Testament

¹⁶ Nizen iya áner kubo̱so̱p Itsi ákak a tá nye áner aFarisi tá di aYeso ta sen yas be áfe rine̱n'ong ne áfe kushashang itso̱m iben. Iyong á rip álimazhiri wu ye, “Akye̱ sak wu tá yas be áfe kushashang itso̱m iben ne ‘Áfe rine̱n e̱?’ ”

aMarkus 2:16 Referans Kwoze

aLuka 19:10

Kamok Igon Anerawe be̱ nong a tà tse̱r ne a shesh ike̱ng i tan wei.”

aLuka 18:11

Aner aFarisi ame dorok nong a tá nye aduwa ye, ‘Adakunom, mi shim tá ka tonong riye̱ rikan'i, kamok sang mi se kyo̱ndi ribir ánerawe, á ta nye ákpatang, ka áfe amaan kunye baꞌ. Mi nye rikuna ne i se kyo̱ndi afe kushashang itso̱m iben na baꞌ.

1 aKoranti 2:15

Aner aya a ta nye afe kabik to̱ natoon koakye, akak ra ren riye̱ wu baꞌ.

Itomong Ámanzo 23:9

Riwo̱ng ti no̱ niba dide̱ng ma áner aya a tá bo̱so̱p Itsi ákak aya a tase kaye̱e̱r kugung rice áner aFarisi dorok á nyeseng ne á ya nanan dide̱ng. Á fe̱ ye, “Yir se̱ yir aner na be rine̱n ike̱ng ikak baꞌ. Kashim kabik kakak ka amaleka ne a fe̱ kanu be wu.”

aLuka 19:7

Ánerawe cice̱r tá fa di anong, ne á san anyinye̱m ye, “A be numa aner rine̱n.”

Ibrani 12:3

Ye̱re̱k yin tá di yin kuri risam riya a tá so̱ nubo̱k ánerawe a ta nye áfe rine̱n fan a ba ka te yin gbe̱re̱k ne yin ni tun yin riye̱.

aMarkus 2:7

ne á fe̱ ye “Kamok akye̱, aner na fe̱ anong e̱? A zhe̱e̱sh Adakunom! Angan ta kyem a re̱ng anerawe rine̱n wu, sang ke Adakunom baꞌ e̱?”

aMatiyu 18:17

Ke a gaar ku ka fok ba ne wan tak áfikuus; ke a bun a gaar rife̱ áfikuus'e gbak ne a ku sok kyo̱ndi afurin, aya a ta gaar kushishing kuse wu.

aMatiyu 9:11

Áner aFarisi akak tá di anong iyong a rip álimazhiri'me ye, “Akye̱ sak áner kubo̱so̱p yin yas be áfe kushashang itsom iben ne áfe rine̱n e̱?”

aMatiyu 5:46

Kamok ke yin shim yin áya a ta ka shim yin tsek, ishorong akye̱ ne yin ta se̱ yin nufe Adakunom e̱? Anong ne áfe kushashang itso̱m iben nye gip.

aMarkus 2:15

Katuk kakak, aYeso mak be álimazhiri wu se naya nasa aLawi. Áfe kushashang itso̱m iben ákak whe̱re̱ ne áfe rine̱n sen ya naya'me mak be wu ne álimazhiri'me, kamok ánerawe whe̱re̱ ne á tsang ku kuus.

aLuka 5:30

Áner aFarisi ne áfe kubo̱so̱p Itsi aya a ta se nigung rice ba san anyinye̱m be álimazhiri wu ye, “Akye̱ sak yin yas ne i so̱ yin be áfe ku shashang itso̱m iben ne áfe rine̱n e̱?”