aMarkus 16:20 - Izere New Testament

²⁰ Álimazhiri wu ame tseng nong á ta se taas Rife̱ Ritek koake̱. Agwo̱m Ágwo̱m ti nye itomong be ba dide̱ng. A tonong ye rife̱ ba be katsak be ike̱re̱ azhing iya ba tá nye mak be rife̱'me.]

aMarkus 16:20 Referans Kwoze

Itomong Ámanzo 14:3

aBulus be aBarnabas ta inom gaan azong ne a taas rife̱ Adakunom be riye̱ rizining. Adakunom tonong ye itak ritek wu nye katsak kamok a ta no̱o̱k ba kukyem a tin nye ike̱re̱ azhing be ife kukyem.

Ibrani 2:4

Adakunom gip a tonong ye i se anong be kunye ike̱re̱ azhing ne ife kukyem ne kunang Kabik Kazhe̱l'e tá kasap anerawe kyo̱ndi wu ta shim.

aRom 15:19

kaye̱e̱r kukyem kunye ike̱re̱ azhing ne itomong azhing, kaye̱e̱r kukyem Kabik. Kum a ta san'e na aUshalima ma a gorok'e ma na Ilirikum, mi taas Rife̱ Ritek natoon aKiristi cei.

Itomong Ámanzo 5:12

Ámanzo ame nye ike̱re̱ azhing be ife kukyem dide̱ng kaye̱e̱r ánerawe. Ne áfikuus cice̱r nyiis nubang kukak nutu aduwa á ta yis ye, Kubang aSolomon.

Itomong Ámanzo 4:30

Ni sak kubo̱k wan natoon ánerawe nong á ta te atser, nye ike̱re̱ azhing ne ike̱re̱ iya i tana tonong kukyem wan kaye̱e̱r riyerek asam wan azhe̱l'e aYeso.”

2 aKoranti 6:1

Yir áfe i ta nye yir áfudang yin kaye̱e̱r itomong Adakunom yir ta nye yin izong ye, sang tu nye yin kpe̱de̱ng be ritek Adakunom baꞌ.

aMarkus 16:19

Nama aYeso tá fe̱ anong be ba, a tú sok a tá tseng'e kaye̱e̱r kaza nong a ta se sonong nubo̱k riya Adakunom.

aLuka 1:1

Ánerawe whe̱re̱ n nye ike̱re̱ iya ba tá kyem á nye nong á ta zibir ike̱ng ikak natoon ike̱re̱ iya i tá shining kaye̱e̱r yir na.

aLuka 1:2

Kyo̱ndi áya a tin se ni ime̱se̱ng'e tin no̱o̱k yir, ne áfe a tá nye itomong kutaas rife̱'me tin tak yir.

Ibrani 2:3

yir tà nye yir ane̱ ta wher yir ke yir gaar yir kushan agbang kashesh kuri kuyu e̱? Agwo̱m Ágwo̱m yir be rice wu ne a taas itak kashesh na ni ime̱se̱ng'e. Áner áya a tú ku fok ti tonong yir ye i se anong be katsak.