aMarkus 16:19 - Izere New Testament

¹⁹ Nama aYeso tá fe̱ anong be ba, a tú sok a tá tseng'e kaye̱e̱r kaza nong a ta se sonong nubo̱k riya Adakunom.

aMarkus 16:19 Referans Kwoze

1 aBitrus 3:22

aKiristi tseng kaye̱e̱r kaza, a se nubo̱k riya Adakunom, ámaleka cice̱r ne ribir áya a tin nye rigwo̱m natoon kaza se nubo̱k wu.

Ibrani 1:3

Igon'e ne ka nye akanang kuyiik Adakunom, a tas Adakunom kyo̱o̱n. A yiir koakye ike̱ng be kukyem rife̱ wu. Nama a tá sak yir ta te yir zhe̱l kaye̱e̱r rine̱n yir, yong a sonong nubo̱k riya Aya a ta nye a yiik'e kaye̱e̱r kaza.

Ibrani 12:2

Won tin sak yir anyisi na aYeso wu ne a ta nye ritin kuno̱o̱k katsak yir ne a nye aner aya a tana sak kuno̱o̱k katsak yir tanan mumak. A tsesek kaye̱e̱r risam riku wu kamok ike̱ng riye̱ rikan i ta se nasho̱o̱n. A fok isum riku wu natoon kukon baꞌ. Kyo̱o̱rna a se nusonong nubo̱k riya itsik rigwo̱m Adakunom.

aRom 8:34

Angan ne a ta kyem a ta te̱n anerawe amok e̱? aYeso Kiristi, aya a tá ku, sang a ku tsek baꞌ, a tú ku dorok nure̱k be kutser, aya a ta se nubo̱k riya Adakunom ne a nye izong kamok yir.

Itomong Ámanzo 2:33

Adakunom dorok aYeso nong a tú ku sak nubo̱k riya wu kufe kuyiik ne a ku no̱o̱k Kabik Kazhe̱l'e kyo̱ndi wu tá tsang a fe̱. Ike̱ng iya yin ta di yin ne i fok yin kyo̱o̱rna'me nye kunang kuya aYeso tá min no̱o̱k yir.

Ibrani 8:1

Rice rife̱ yir tin fe̱ yir se ye, yir be yir agbang atsi akak kyo̱ndi ayong afe a tá sonong nubo̱k riya itsik rigwo̱m Adakunom ayiik'e kaye̱e̱r kaza.

aKolosi 3:1

Kum a tá ma ka dorok yin mak be aKiristi, to̱, ni te yin riye̱ natoon ike̱re̱ iya i ta se kaye̱e̱r kaza, naro̱ aKiristi ta mu ku sonong nabas kubo̱k riya Adakunom.

aYohana 20:17

aYeso fe̱ be wu ye, “Sang tin yiir baꞌ, kamok mi n ngarak nufe Ada nizham baꞌ. Amma tseng nufe ároneng, tà su ku tak ba ye, ‘Mi tù ku bun nufe Ada mi ne a nye Ada yin. Adakunom mi ne a nye Adakunom yin gip.’ ”

Ibrani 6:20

aYeso tsang an tseng azong nasho̱o̱n yir kamok yir. An te agbang atsi ma izen izen kyo̱ndi aMakizadek.

1 aTimoti 3:16

Akak ta kyem a fe̱ kuri kuyiik ku ta se nune̱re̱ng kaye̱e̱r iren ikuus yir na baꞌ. A tonong rice wu kaye̱e̱r kuro̱m, Kabik ti tonong yir ye a nye afe katsak. Ámaleka tú ku di, á fe̱ itak wu nasho̱o̱n ánerawe ze̱r ze̱r, á ti no̱o̱k katsak ni wu kaye̱e̱r kazatse cice̱r, a tu ku sok a ta tseng'e kaye̱e̱r kaza be kuyiik.

aYohana 6:62

To̱, ke yin di yin Igon Anerawe sen kubun naro̱ wu tú ku ne ane̱ e̱?

aLuka 9:51

Izen tá be̱ bubarak aYeso tana ku bun naza yong a shim ma ke a be na aUshalima.

Ibrani 9:24

Kamok sang aKiristi no̱ naro̱ itomong atsi anerawe ta nye i tá tas ife kaza baꞌ. A no̱ kaye̱e̱r kaza, azong ne a se nasho̱o̱n Adakunom kamok yir.

Ibrani 7:26

Atsi kuri ayong ne a tin re̱ng yir rine̱n yir. A se zhe̱l dar rine̱n, a be narik baꞌ, a tú kam ze̱e̱r be áfe rine̱n, a tú ku tiyiik a ta tseng kaye̱e̱r kaza.

Ibrani 4:14

Kamok anong, kum yir ta be yir agbang atsi ayiik'e, aYeso Igon Adakunom, aya a ta tseng naza, won i tu yiir yir kuno̱o̱k katsak yir be agap dide̱ng.

Itomong Ámanzo 3:21

Wu tà sor azong kaye̱e̱r kaza ma nizen iya Adakunom tana shishing koakye ike̱ng nizham kyo̱ndi wu tá tsang a fe̱ gbugbang ni nanu áner kuzarap wu ázhe̱l'e.

aYohana 21:22

Amma aYeso fe̱ be wu ye, “Ke mi tú ku shim be anong a ta sor be kutser ma izen iya mi tana bun i be̱, akye̱ wan azong e̱? Wan ni kuus tsek.”

aYohana 21:15

Nizen iya á tá gang iya azhibi ame, yong aYeso rip aSiman Bitrus ye, “aSiman igon aYohana, wan ti shim katsak ne i nar ribir áfudang wan a?” Ayong aBitrus fe̱ be wu ye, “Ei, aYeso, wan nye Agwo̱m Ágwo̱m, wan ren mi ka shim.” Yeso fe̱ be wu ye, “To̱, nyesek naban áturuk'i naya.”

aYohana 17:13

“Mi saase nufuan kyo̱o̱rna. Amma mi ta nye izong ike̱re̱ na kum ne mi ruresek kaye̱e̱r kazatse, nong ase̱ ba tà shining be kuri riye̱ rikan riya mi tá be kaye̱e̱r ba.

aYohana 16:28

Mi ne nufe Ada'me, i ta be̱ nazatse. Kyo̱o̱rna mi sen won kazatse'me nong tù ku bun nufe Ada'me.”

aYohana 13:1

A tú ku won kuko̱s kuzining ne a nye Riye̱ Rikan aPasova. aYeso tá ren izen n nye ife wu tana won kazatse na nong a tá be nufe Ada wu. A shim ánerawe wu afe á ta se nazatse ne a ku tonong ba kushim wu ma nigang'e.

aMarkus 16:20

Álimazhiri wu ame tseng nong á ta se taas Rife̱ Ritek koake̱. Agwo̱m Ágwo̱m ti nye itomong be ba dide̱ng. A tonong ye rife̱ ba be katsak be ike̱re̱ azhing iya ba tá nye mak be rife̱'me.]

aLuka 22:69

Kyo̱o̱rna, Igon Anerawe tà sonong nubo̱k riya Adakunom afe kukyem.”

Itomong Ámanzo 1:22

Kum nizen iya aYohana tá san kunye abatisma ma nizen iya a tá sok aYeso nufe yir a tá tseng kaye̱e̱r kaza. Aner ayong ta te aner aya a tana taas itak kudorok aYeso mak be yir dim.”