aMarkus 16:17 - Izere New Testament

¹⁷ Áya a tin no̱o̱k katsak ni mi tà nye ike̱re̱ na: Kaye̱e̱r riyerek'i, á tà turung ámaan nabik ne á fe̱ kanu kaye̱e̱r irem ifas.

aMarkus 16:17 Referans Kwoze

Itomong Ámanzo 5:16

Ánerawe dide̱ng nes ni iwo̱p i ta se bubarak be aUshalima a tá be̱s be áfe iro̱k be áya a ta be amaan nabik, ayong a tá ka sak ba á te atser cice̱r ba.

1 aKoranti 12:28

Kaye̱e̱r áfikuus, Adakunom kasa ámanzo a ta te áfe ime̱se̱ng'e, afe afa nye áner kuzarap, afe ataar nye áfe kubo̱so̱p ánerawe'me. Ákak nye áfe kunye itomong azhing, ne áfe kusak áfe iro̱k ta te atser, ne áfe a tana tobok ánerawe. Ne ákak áfe kube ánerawe, nigang'e áfe a tana fe̱ ni írem iduk.

1 aKoranti 12:10

Akak a tu ku no̱o̱k kunang kunye ike̱re̱ azhing, akak a tu ku no̱o̱k kunang kunye kuzarap. Akak a tu ku no̱o̱k kunang kukaas iriri nabik. Akak a tu ku no̱o̱k kunang kukyem kufe̱ ni írem iduk, akak gbak a tu ku no̱o̱k kunang kutaas ike̱ng ákak tá fe̱ ni írem iduk'e.

Itomong Ámanzo 8:7

Amma amaan nabik yiir itang ikun ne á wuruk kaye̱e̱r iro̱m ánerawe whe̱re̱, áner aya a tá we̱ abas azining be ákun whe̱re̱ te atser.

aLuka 10:17

Áner iso̱k kanataar be afa'me tú bun be riye̱ rikan nong á tá se fe̱ be aYeso ye, “Atekasa, ítseng gip i ti fok yir kuto ke yir yis yir riyerek wan.”

Itomong Ámanzo 10:46

Á tá fa fok ba tá fe̱ ni írem iduk ne á tiyiik Adakunom. Iyong aBitrus fe̱ ye,

aYohana 14:12

Mi ta tak yin katsak'e, koangan afe a tin no̱o̱k katsak ni mi, a tà nye ike̱re̱ iya mi tá nye. Ma i tà nar iya mi tá nye, kamok mi be nufe Ada'me.

Itomong Ámanzo 19:6

Nizen iya aBulus tin sak ibo̱k ritek natoon ace ba ne Kabik Kazhe̱l'e ni tiik natoon ba ne á fe̱ kanu ni írem iduk ne a nye kuzarap.

1 aKoranti 14:2

Kamok aner aya a ta fe̱ ni írem iduk, sang a fe̱ be ánerawe baꞌ. A fe̱ be Adakunom kamok akak ren ike̱ng iya a tin fe̱ baꞌ. A fe̱ ike̱re̱ akak ta kyem a ren baꞌ, kaye̱e̱r kabik wu.

1 aKoranti 12:30

Cice̱r ba sak áfe iro̱k te atser a? Cice̱r ba fe̱ ni írem iduk a? Cice̱r ba kyem a taas ike̱ng iya a ta fe̱ ni írem iduk'e a?

1 aKoranti 13:1

Ko mi fa kyem i fe̱ kanu ni irem ánerawe ze̱r ze̱r ne ife ámaleka, amma sang ke mi ra be kushim baꞌ, i nye ye mi se kyo̱ndi ire̱k ka ibin iya i ta wo̱ng kpe̱de̱ng tsek.

Itomong Ámanzo 16:18

Kanamang'e te inom gaan ne ka yiir fe̱ anong ma ike̱ng'e daam aBulus dide̱ng. Iyong aBulus kirik a tá fe̱ be kabik'e ye, “Mi fe̱ be wan kaye̱e̱r riyerek aYeso Kiristi ye wuruk tu ku won.” Kum aBulus tá fa fe̱ anong ne kabik'e wor ka ku won.

aMarkus 9:38

aYohana fe̱ be wu ye, “Aner kubo̱so̱p, yir di yir aner akak, a ta sen turung amaan nabik kaye̱e̱r riyerek wan yong yir fe̱ yir be wu ye a ra won kamok wu nye azining kaye̱e̱r yir baꞌ.”

Itomong Ámanzo 2:33

Adakunom dorok aYeso nong a tú ku sak nubo̱k riya wu kufe kuyiik ne a ku no̱o̱k Kabik Kazhe̱l'e kyo̱ndi wu tá tsang a fe̱. Ike̱ng iya yin ta di yin ne i fok yin kyo̱o̱rna'me nye kunang kuya aYeso tá min no̱o̱k yir.