aMarkus 16:15 - Izere New Testament

¹⁵ A fe̱ be ba ye, “Tseng yin koake̱ kaye̱e̱r kazatse, se taas yin ánerawe cice̱r Rife̱ Ritek'e.

aMarkus 16:15 Referans Kwoze

aMatiyu 28:19

Kamok anong, tseng yin kaye̱e̱r kazatse cice̱r ta se sak yin ánerawe ta te álimazhiri mi, ne i ku nye yin ba abatisma kaye̱e̱r riyerek Ada, ne kaye̱e̱r riyerek Igon'e, ne kaye̱e̱r riyerek Kabik Kazhe̱l'e.

aMarkus 13:10

Amma ni ime̱se̱ng'e, a ta taas ánerawe Rife̱ Ritek cice̱r ma koakye irem fok nizham.

Itomong Ámanzo 1:8

Amma izen iya ne yin shan yin kukyem nizen iya Kabik Kazhe̱l'e tanin tiik natoon yin, yin tà te yin áner aya tana fe̱ yin itak natoon'i, ta san yin rife̱'me kaye̱e̱r aUshalima, be na aYahudiya be na aSamariya ne ma nigang kazatse cei.”

1 aYohana 4:14

Yir n di yir be anyisi yir ne i bun i taas yir ánerawe katsak'e ye Adakunom n tom Igon wu nong ka tà sor aner a tana shesh kazatse na.

aYohana 15:16

Sang yin ne i ti kasa yin baꞌ, amma mi ne i tá ka kasa yin, nong ta se tes yin kutes kutek, kuya ku tana sor ma izen izen. Be anong ne Ada mi tà ka no̱o̱k yin koakye ike̱ng iya yin ta rip yin kaye̱e̱r riyerek'i.

aYohana 20:21

Ne aYeso bun a fe̱ be ba ye, “Kameneng riye̱ se mak be yin! Kyo̱ndi Ada'me tin tom, anong ne mi ma sen ka tom yin.”

aKolosi 1:23

ke yin ya yin kasho̱o̱n be kuno̱o̱k katsak yin, ne i nyeseng yin kpa natoon'e. Sang tu won yin a ta ka zuur yin ma ta won yin ku ni te riye̱ riya yin ta min te yin nizen iya yin tá fok yin Rife̱ Ritek'e baꞌ. Rife̱ Ritek yin tá tsang i fok yin'ong ne a taas koakye kuri ánerawe á ta se nazatse ne mi aBulus ti te aner itomong'e.

aRom 16:26

amma kyo̱o̱rna a min tonong yir. Adakunom afe izen izen fe̱ be áner kuzarap wu ye a ra zibir natoon Rife̱ Ritek'e nong áfurin tin no̱o̱k katsak ne a ku kuus.

aRom 10:18

Mi rip ana'ong, katsak'e ba fok aꞌa? A fok ko̱! Kyo̱ndi rife̱ Adakunom ta fe̱ ye, “Kuto̱ ba n tseng koake̱ kaye̱e̱r kazatse, rife̱ ba n tseng nigang kazatse.”

Ike̱ng a ta tonong aYohana 14:6

Ne mi bun i di amaleka akak ta kar natoon kaza, a be Rife̱ Ritek Adakunom rife̱ izen izen nong a ta tak ánerawe kaye̱e̱r kazatse cice̱r, koakye kuri anerawe be koakye kuri izere be koangan irem.

aKolosi 1:6

Rife̱ Ritek na sak ánerawe shining ne áya kasho̱o̱n kaye̱e̱r kazatse cei, kyo̱ndi ri tá nye kaye̱e̱r yin kum nizen ife yin tá san ku fok yin itak ritek Adakunom, ne i ren yin ye i nye katsak.

Afisa 2:17

A be̱ a tà ka taas yin, áya sang i ta nye yin áner aYahuda baꞌ, ne yin áner aYahuda Rife̱ Ritek rife̱ kusor caang.

Itomong Ámanzo 1:2

ma katuk'a a tú ku sok a tá tseng kaye̱e̱r kaza. Nizham a tá ra ku sok a tá tseng kaye̱e̱r kaza, a ti nye itomong be Kabik Kazhe̱l'e nong a fe̱ be agap be ámanzo aya wu tá kasa.