aMarkus 15:21 - Izere New Testament

²¹ Á tá se be kutseng ne a nyim be aner aSirin akak, a tú ku yis ye aSiman, atek Alekzanda ne aRufus, a ta ne nutseng wu, ne ásozha ame ku sak ye, ma a ra cer kakon a tanin tigak aYeso ame.

aMarkus 15:21 Referans Kwoze

aLuka 23:26

Nizen á tá sen tseng be aYeso, á nyim be aner aSirin akak, a tú ku yis ye aSiman. A se be kutseng wu, a ta no̱ kaye̱e̱r aUshalima. Á tú sak ye ma a ra cer kukon a tanin tigak aYeso nong a tin kuus aYeso nama.

aMatiyu 27:32

Á ta se be itseng be aYeso ame, ne á yin be aner aSirin akak a tú ku yis ye, aSiman, a tú ku te agap a tá cer kukon kutigak aYeso'me.

aRom 16:13

Ku nye shou yin aRufus aya Agwo̱m Ágwo̱m ta kasa a ta sor afu, ne anyining wu aya a ta se kyo̱ndi ango̱ mi gip.

Itomong Ámanzo 13:1

Áner kuzarap ákak ne áner kubo̱so̱p tuse kaye̱e̱r áfikuus Antakiya. Ákak kaye̱e̱r ba nye aBarnabas be aSiman aya a tú ku yis ye kukpa kuwe ne aLushiyos a tá nye aner aKurane'me be aManayen (aya a tá ta mak be aHiridus) ne Ashawulu.

Itomong Ámanzo 11:20

Amma áfikuus'e akak a tá nye áner aSipurus be áfe aSirin gip a tseng na Antakiya. A san kutaas áner aya sang a tá nye áner aYahuda baꞌ, Rife̱ Ritek natoon Agwo̱m Ágwo̱m yir aYeso.

Itomong Ámanzo 6:9

Áner aYahuda akak aya a tá ne niben aSirin ne na Alekzandiriya áya a tá no̱o̱s nutu aduwa a tá yis ye kutu áfe kuse “Washak”, á nyim kanu be áfudang ba aya a tá ne niben aKilikiya ne na Asiya nong á tá ya nanan be Itifanus.

Itomong Ámanzo 2:10

Ákak yir nye áner aFirizhiya ne ákak nye áfe aPamfiliya ze̱e̱r be áfe aMasar ne áner á ta se nikyim aSirin bubarak be aLibiya, be átsen áya a ta nes na aRom cei

aLuka 14:27

Aner aya ne a sok kukon ku kutigak mo nong a tin kuus baꞌ, a tà kyem a te alimazhiri mi baꞌ.

aMarkus 15:20

Á tá fa gang ku kukok ko'me ne á ma tun kukpiin kuseng ame nong á tá bun á ku te ares wu. Á tá ma tseng be wu nong á tá su ku tigak.

aYohana 19:17

Ayong ásozha dorok á tá tseng be aYeso. aYeso wuruk kaye̱e̱r kuwo̱p'e an cer kukon a tana ku tigak mo be rice wu, ma naro̱ a tá yis ye Karo̱ Áho̱karo̱k Ace. (Ni irem áner Aramiya a yis ye aGolgota.)

aMatiyu 5:41

Ke aner akak fe̱ ye ma wan ra su ku sak ni iren akilomita azining, ne wan tseng be wu akilomita afa.