aMarkus 14:6 - Izere New Testament

⁶ Amma aYeso fe̱ be ba ye, “Ku won yin kyo̱o̱n, kamok akye̱ yin tú daam yin e̱? A min nye ike̱ng itek dide̱ng.

aMarkus 14:6 Referans Kwoze

Ibrani 13:21

ta ka no̱o̱k yin koakye ike̱ng i ta nye itek, nong ta nye ike̱ng iya wu ta shim. Won wu tu nye ike̱ng iya i tu ku se gye̱r be yir kaye̱e̱r aYeso Kiristi. Won kuyiik tu sor kufu ma izen izen. Anong!

Ibrani 10:24

Kamok anong, won yir tu naka tobok yir ne i naka tonong yir kushim be kunye kutek.

aTitus 3:14

Áner yir ra bo̱so̱p kuno̱o̱k ace ba dim nong á ta nye ike̱ng iya i ta nye itek, ne á ren iren kutobok ánerawe na agbang ike̱re̱ ba tà tse̱r. Á tu sor a kpe̱de̱ng kusor baꞌ.

aTitus 2:14

aYeso ne no̱o̱k rice wu nong a tin sheshek yir kaye̱e̱r amaan kunye yir ne a ni kusu yir nong tá sor yir áfu ne i shim kunye yir ike̱ng iya i ta nye itek.

2 aTimoti 2:21

Ke aner aya a kam be amaan ike̱re̱'ong mi tin fe̱ natoon'e, a ta sor kyo̱ndi ike̱re̱ iya a tin nye itomong iyiik'e, ne a se zhe̱l nong Atekasa wu tin nye itomong be wu. A ta sor be kanye̱k kamok koakye kuri itomong itek.

Afisa 2:10

Kamok yir be rice yir, yir nye yir ike̱ng iya Adakunom'me tá nye. A tin shishing yir kamok aYeso aKiristi nong tá nye yir itomong itek, iya Adakunom'me tá tsang a sak ta nye yir.

Itomong Ámanzo 9:36

Abining akak tuse na aZhopa a tá nye abafe ifikuus'e, riyerek wu nye aTabita (ke a kirik'e ne a te aDokas). A tonong kuse kutek koakye izen ne a tobok áfe rizor.

aMatiyu 26:10

aYeso tá ren kuto̱ro̱ng ba, yong a fe̱ ye, “Akye̱ sak yin daam yin abining na e̱? A ti nye ike̱ng itek.

aTitus 3:8

Rife̱'me nye katsak. Kamok anong mi shim wan ta fe̱ rife̱'me ne i bun i toos'e, nong áya a ta min no̱o̱k katsak na Adakunom tà ya kasho̱o̱n be kuno̱o̱k rice ba nong á ta nye ike̱ng iya i ta nye itek. Ike̱re̱ na nye itek ne i se gye̱r be koangan.

aTitus 2:7

Kaye̱e̱r koakye wan sor ike̱ng ba tanin nye kumaas natoon'e be kunye ike̱ng iya i ta nye itek. Kaye̱e̱r kubo̱so̱p wan, nye be riye̱ rizining ne katsak,

2 aTimoti 3:17

nong ase̱ koangan afe a ta nye afe Adakunom ta shining ne a se be kanye̱k kamok koakye kuri itomong itek.

1 aTimoti 6:18

Ka tak ba be agbang kuto̱ ye á ra nye kunye kutek, á rin barang kurum kunye kunye kutek dide̱ng ne a se washak ne a shim kuno̱o̱k ike̱ng.

1 aTimoti 5:10

A ra nye aner aya a tu ku ren be kunye kutek kyo̱ndi ku ni sak riye̱ na inoon gye̱r ne kuren kushashang átsen ne a nye áfikuus Adakunom itomong kaye̱e̱r kumees rice ne a tobok áya a ta se nutser ne a ni sak riye̱ wu ninye ike̱re̱ i ta nye itek, a tu ku fa kaye̱e̱r ákumung.

2 aTasalonika 2:17

tà ka tsesek yin, ne a ka sak yin ta nyeseng yin kpa kaye̱e̱r koakye itomong ne kufe̱ kanu gye̱r.

aKolosi 1:10

Yir nye yir aduwa nong ase̱ yin ta sor yin kusor kuri kuya ku ta tas kufe áfikuus Agwo̱m Ágwo̱m ne i nye yin ike̱re̱ iya i tana ku kare̱p riye̱ na koakye kuri iren. Kuri kusor yin ta sor yin ta tonong ye kuse kutek ne yin ni barang yin kurasak kaye̱e̱r kuren Adakunom.

2 aKoranti 10:18

Kamok sang aner a ta kerek rice wu ne a tu kerek baꞌ, ma ke aner aya Agwo̱m Ágwo̱m ne a tu ku kerek.

2 aKoranti 9:8

Adakunom ta kyem a ka no̱o̱k ritek wu ma ri ta nar ike̱ng iya wan ta tse̱r, nong ase̱ koakye izen, yin ta se̱ yin koakye ike̱ng iya yin ta tse̱r yin, nong yin ta nye yin itomong itek dide̱ng.

1 aBitrus 2:12

Sor yin kusor kutek kaye̱e̱r áya sang á ta nye afikuus baꞌ. Ba yiir kunye kukun yin gye̱rtatan, amma ke ba di koakye itek yin ta nye yin ánerawe'me, á ta tiyiik Adakunom katuk a tana be̱ to̱ kazatse amok.

aMarkus 14:5

A fa re̱p ke a ti se̱ itso̱m i ta gor itso̱m kuwoso alebura kuko̱s iso̱k inyak iso̱k itaar, nong a ta no̱o̱k afe rizor, ke i nar.” Iyong á zhe̱e̱r abining ame dide̱ng.

aMarkus 14:7

Áfe rizor se mak be yin ye̱r ye̱r, koakye izen ne yin shim yin, yin tú ku nye yin ba ritek, amma mi se be yin ye̱r ye̱r baꞌ.