aMarkus 14:49 - Izere New Testament

⁴⁹ Koakye kunom mi se mak be yin, ne i bo̱so̱p ánerawe'me kaye̱e̱r kubang kutu kuya Adakunom iben, yin ti yiir yin baꞌ. I be kudaam baꞌ. Amma a nye anong, nong a tá shining ike̱ng iya rife̱ Adakunom tá fe̱ dim.”

aMarkus 14:49 Referans Kwoze

aYohana 18:20

aYeso fe̱ be wu ye, “Ei, mi fe̱ koakye ike̱ng kanang nasho̱o̱n koangan. Mi bun ibo̱so̱p ánerawe'me kaye̱e̱r atu aduwa ne kaye̱e̱r agbang kutu kuya Adakunom iben naro̱ kaya áner aYahuda tú ku nyiis cice̱r. Mi kun i fe̱ ike̱ng ikak ni nune̱re̱ng baꞌ.

aYohana 8:2

Nadiding bop aYeso bun a tu bun nubang agbang kutu kuya Adakunom iben. Ánerawe cice̱r be̱s á tú ku gorok yong yong aYeso sonong nong a tú ku bo̱so̱p ba'me.

aLuka 22:37

I se ni izibir kaye̱e̱r Kufumung rife̱ Adakunom ye, ‘A tu ku fa mak be áfe rine̱n.’ Mi ta ka tak yin ye iyu tin shining natoon'i dim. Ei, ike̱re̱ a tá zibir natoon'i m be̱ barak i ta shining.”

aMarkus 12:35

aYeso ta se be kubo̱so̱p kaye̱e̱r kubang agbang kutu kuya Adakunom iben, ne a rip ye “Kamok akye̱ afe kubo̱so̱p Itsi fe̱ ye, aKiristi nye Igon aDauda e̱?

aMatiyu 26:56

Amma ike̱re̱ na se anong cice̱r, nong a ta shining ike̱re̱ áner kuzarap Adakunom tá fe̱.” Iyong álimazhiri'me cice̱r teng á ta won aYeso.

aMatiyu 26:54

To̱, a ta nye ane̱ a ta shining ike̱ng kufumung rife̱ Adakunom tá fe̱ ye, a ta nye dim e̱?”

aMatiyu 1:22

Cei ike̱re̱ na nye nong a tá shining ike̱ng iya Adakunom tá fe̱ nanu aner kuzarap, a tá fe̱ ye,

aYohana 10:23

aYeso se be kutsang tseng kaye̱e̱r kubang agbang kutu kuya Adakunom iben, a ta yis ye kanukutu aSolomon.

aYohana 8:12

Ayong aYeso bun a fe̱ be ánerawe'me ye, “Mi ne i nye akanang kazatse. Koangan afe a ta sen nikuus, a tà tseng nawhi baꞌ, amma a tà se̱ akanang afe kutser.”

aYohana 7:37

Katuk igang'e, i tá nye agbang kunom kunye riye̱ rikan ame, aYeso dorok a tá ta kuto̱ ye, “Aner aya a fok kuto̱ kukoor, a ra be̱ nunaan a tà so̱ ashi.

aLuka 19:47

aYeso bo̱so̱p ánerawe'me koakye katuk kaye̱e̱r agbang kutu kuya Adakunom iben'e, ágbang átsi be áfe kubo̱so̱p Itsi ne áko̱k kasho̱o̱n kaye̱e̱r ánerawe'me tse̱r á tú ku fe̱r.

aMarkus 11:27

Nizen iya á tá bun a be̱ ba na aUshalima, aYeso se be kutsang kutseng kaye̱e̱r kubang agbang kutu kuya Adakunom iben, ne agbang átsi be áner kubo̱so̱p itsi ne áko̱k kasho̱o̱n be̱ nufe aYeso.

aMatiyu 26:55

Nizen iyong aYeso fe̱ be rigwo̱m ánerawe'me ye, “Mi nye akpatang yin ta be̱ yin be ishe̱n ne ítsor nong tin yiir yin e̱? Koakye kunom mi sor kaye̱e̱r agbang kutu kuya Adakunom iben ne i bo̱so̱p ánerawe'me, yin ti yiir yin baꞌ.

aMarkus 10:1

Ayong aYeso won karo̱ kayong nong a tá be niben aYahuda, ne a tar isho̱ng aUrdun. Rigwo̱m ánerawe be̱s nufu gbak ne a bun ku bo̱so̱p ba'me kyo̱ndi a tan me̱ ne a nye.

aMarkus 14:48

aYeso fe̱ be ba ye, “Mi nye akpatang yin tá be̱ yin be ítsor ne íshe̱n nong tin yiir yin a?

aMarkus 14:50

Ayong álimazhiri'me cice̱r teng nong á tú ku won.