aMarkus 14:36 - Izere New Testament

³⁶ Ne aYeso nye aduwa ye, “Abba, Ada, wan kyem i nye koakye ike̱ng. Sok ako̱p risam na. To̱, nye ike̱ng iya wan ta shim sang iya mi ta shim baꞌ.”

aMarkus 14:36 Referans Kwoze

aGalati 4:6

Kamok yin ta nye yin inoon wu, yong Adakunom tom Kabik Igon wu kaye̱e̱r aye̱ yir, Kabik'e ta kuto̱ ye “Abba, Ada.”

aYohana 5:30

Mi kyem i nye ike̱ng ikak be rice mi ze̱r baꞌ. Mi to̱ amok'i kyo̱ndi Adakunom tin tak ye i ra nye. Kamok anong amok'i nye afe katsak, kamok mi nye ike̱ng mi ta shim tsek baꞌ, amma ife aya a tin tom.

2 aTimoti 2:13

Ke yir be yir katsak baꞌ, wu tà sor afe katsak kamok wu tà kyem a ton rice wu baꞌ.”

aYohana 12:27

“Kyo̱o̱rna mi be kudaam kaye̱e̱r riye̱ mi. Mi tà nye ane̱ e̱? Ke mi fe̱ ye, ‘Ada, ni sok risam na a?’ Wayo, iyuna ne i nye ike̱ng iya mi tin be̱ nizen na.

aTitus 1:2

kamok kute riye̱ natoon kutser kufe izen izen. Adakunom, wu a ta be abo̱o̱s baꞌ, ne a no̱o̱k kuto̱ natoon kutser kufe izen izen nizham a ta ra san ízam.

aFilipi 2:8

Nizen iya a tá be̱ kaye̱e̱r kuro̱m anerawe, a mees rice wu, ma a no̱o̱k rice wu a ku, a kuus ike̱ng iya Adakunom tá shim, a tú kutigak nukon ma a ku natoon kukon'e.

aYohana 18:11

Amma aYeso fe̱ be aBitrus ye, “Kute itsor wan nubas wu. Mi ta so̱ ako̱p risam aya Ada tin no̱o̱k aꞌa?”

aMarkus 10:27

aYeso tá ye̱re̱k ba ne a fe̱ ye, “Be anerawe, iyu ta ro̱. Amma be Adakunom, i ta ro̱ baꞌ. Kamok Adakunom kyem a nye koakye ike̱ng.”

aYohana 4:34

Ne aYeso fe̱ be ba ye, “Naya mi nye tu nye ike̱ng wu aya a tin tom ta shim ne i gang itomong wu.

aMatiyu 26:39

Nizen aYeso tá tseng nasho̱o̱n cie̱k, ne a tigbok akuur a ta te akace a ta nye aduwa ye, “Ada, ke i ta se gye̱r, ne wan sok ako̱p risam na rice mi, amma sang ike̱ng iya mi ta shim baꞌ, iya wan ta shim.”

aMatiyu 6:9

“Ana ne yin ta nye yin aduwa, “ ‘Ada yir afe a ta se kaye̱e̱r kaza, won riyerek wan tu sor zhe̱l,

Ibrani 6:18

Adakunom nye anong kaye̱e̱r ike̱ng ifa a tana shishing'e baꞌ, iya Adakunom tanin bo̱ abo̱o̱s baꞌ. Yir áfe i ta te yir gbashak i ta shan yir ike̱ng iya i tá min te yir riye̱ ta tsesek yir. In yiir yir ike̱ng iya i tá min te yir riye̱ be agap ma aye̱ yir n kpa nafa.

aMatiyu 26:42

Ayong a bun a tú ku bun i nye aduwa'me afe afa ne a fe̱ ye, “Ada, ke risam na ta kyem ri tin gor baꞌ, to̱, ne wan nye ike̱ng iya wan ta shim.”

aMarkus 14:37

Ayong a bun a tú ku bun nufe álimazhiri wu ataar ame, a sú ku se̱ ba nida. Iyong fe̱ be aBitrus ye, “aBitrus, wan se be ida wa? Aser, wan ta kyem i sor dar ida nizen cie̱k aꞌa?”

aMarkus 10:39

Ayong ba fe̱ ye, “Yir ta kyem yir.” Ne aYeso fe̱ be ba ye; “Be kures mi tanin so̱ ne yin tin so̱ yin, ne a ka nye yin abatisma a tanin nye'me.