aMarkus 13:9 - Izere New Testament

⁹ “Sak yin riye̱ be rice yin, á tà ka yising yin ne á tsees be yin ninaro̱ amok ne á ka tsosok yin natu aduwa. A ta tseng be yin nufe ágwomna ne ágwo̱m, kamok mi nong ta se̱ yin iren tú ku taas yin ba Rife̱ Ritek natoon'i.

aMarkus 13:9 Referans Kwoze

aYohana 16:2

Á tà ka turung yin kaye̱e̱r atu aduwa. Katsak'e, izen saase iya ke aner akak a ta fe̱r yin, a tà di ye wu sen nye itomong Adakunom.

aMarkus 13:5

Ayong aYeso fe̱ be ba ye, “Sak yin riye̱, fan akak ba ka wo̱ro̱k yin.

Ike̱ng a ta tonong aYohana 2:13

Mi ren wan sor naro̱ Ishetan tu ku nye rigwo̱m. Gip be anong, wan ti kuus be katsak. Sang wan min kirik kama i ta won ku kuni no̱o̱k katsak natoon'i baꞌ, nizen a tá fe̱r Antipas a ta nye asam'i atek nuwo̱p wan, naro̱ kaya Ishetan tú ku se.

Ike̱ng a ta tonong aYohana 2:10

Sang tu fok inyim risam wan tana so̱ baꞌ. Won ta ka tak, Amaan Aner tà te ákak yin nitso̱m nong a ta ka bo̱mo̱ng yin ne a ka tabak yin ma kuko̱s kuso̱k. Amma nyeseng be agap nong ko a ta ka fe̱r kamok mi, mi tà ka no̱o̱k ishorong kutser kufe izen izen.

Ike̱ng a ta tonong aYohana 1:9

Mi, aYohana, aronyining yin ne afudang yin kaye̱e̱r risam ne kaye̱e̱r rigwo̱m be kaye̱e̱r ku naka tsesek yir ku ta se kaye̱e̱r aYeso, a ti ro i ta tseng natoon rizik rikak a ta yis ye aPatmos kamok kutaas rife̱ Adakunom ne katsak aYeso ta tonong.

2 aTasalonika 1:5

Ike̱re̱ na cice̱r tonong ye amok Adakunom se gye̱r ne i bun tonong ye yin kyem tà sor yin kaye̱e̱r rigwo̱m Adakunom rife yin ta sen ni so̱ yin risam kamok'e.

aFilipi 1:29

Kamok Adakunom sak ritek wu anong kamok yin tin no̱o̱k yin katsak na aKiristi tsek baꞌ, amma ta so̱ yin risam kamok wu gip,

Itomong Ámanzo 21:11

A tá fa be̱ nufe yir ne a sok kudun aBulus tin rosom kutin wu a tin rosom ibo̱k be atak wu a tá fe̱ ye, “Kabik Kazhe̱l'e fe̱ ye ana ne áner aYahuda a ta se na aUshalima tà rosom atek kudun na, ne á no̱o̱k áner aya a ta nye áner aYahuda baꞌ.”

Itomong Ámanzo 9:16

Mi be rice mi, mi tù ku tonong kuri risam riya a tana so̱ kamok riyerek'i.”

Itomong Ámanzo 7:54

Ayong ba tá fa fok anong ne aye̱ ba fuus ma á ro̱s ibo̱k.

aYohana 15:20

Yiring yin be rife̱ mi tá fe̱ be yin ye: ‘Asam akak nar atekasa wu baꞌ.’ Ke á ti tabak, to̱, á tà ka tabak yin gip. Ke ba kuus rife̱ mi a tà kuus rife̱ yin gip.

aLuka 9:5

Karo̱ kaya ne á ta shan yin baꞌ, re̱ng yin iwur atak yin nizen iya yin tana won yin kuwo̱p'e, nong i tà sor asheda natoon ba.”

aMarkus 6:11

Ke áner karo̱'me tá shan yin baꞌ, ka á tá fok yin kuto baꞌ, ne yin re̱ng yin iwur atak yin nizen afe yin tana won yin azong nong i ta sor asheda natoon ba.”

aMarkus 1:44

“Sang a tu tak akak ike̱ng ikak natoon'e baꞌ. Amma tseng tá se tonong rice wan nufe atsi, ne i nye asidaka aya aMusa tá fe̱ ye a ra nye kamok kute zhe̱l wan nong i ta sor ike̱ng ife koangan tana ren.”

aMatiyu 5:22

Amma mi fe̱ be yin kyo̱o̱rna'me ye, aner aya ne riye̱ wu beseng be aronyining wu, a tú ku to̱ amok. Koangan ne a fe̱ be aronyining wu ye a nye ‘Azizik'e’ a tà tseng be wu nasho̱o̱n áko̱k kasho̱o̱n. Koangan ne a yis afudang ye, ‘Afunam akak,’ a kyem ke a no̱ kaye̱e̱r kasa kuro̱ng.

aMarkus 13:8

Iben ze̱r ze̱r tà ko̱n be ifudang ne rigwo̱m dorok natoon rigwo̱m. Ne kaben zu ninaro̱ ze̱r ze̱r ne a nye izong dide̱ng. Iyong ne i nye ime̱se̱ng risam'me.

2 aYohana 1:8

Kamok anong sak yin riye̱, fan yin bin wei yin nishorong itomong yin, amma nong ta se̱ yin ishorong yin mumak nufe Adakunom.