aMarkus 13:34 - Izere New Testament

³⁴ I se kyo̱ndi atekasa ta won kasa wu nong wu a ta be nutseng ne a won kasa'me nubo̱k ásam wu, ne a no̱o̱k ásam ame koangan be ike̱ng iya a tana nye. Ne a fe̱ be áner kutor kasa'me ye á ra sor ne á ye̱re̱k kasa'me ne á tor kube̱ wu.

aMarkus 13:34 Referans Kwoze

aYohana 10:3

Aner aya a ta tor kaming itsamang'me ta karak afek itsamang'me kaming'e. Ne itsamang'e fok kuto̱ afek ba. A yis itsamang wu'me be ayerek ba. Ne a ku tun ba nufang.

aKolosi 3:24

Kum yin ta ren yin ye Agwo̱m Ágwo̱m ta ka karang yin ishorong yin be kutse yin tana ya yin. Kamok aKiristi Agwo̱m Ágwo̱m ne yin sen ku nye yin itomong.

1 aKoranti 15:58

Kamok anong ároneng'i mi ta shim, nyeseng yin be agap, tu te yin tuk tuk baꞌ. No̱o̱k yin rice yin nong ta nye yin itomong Agwo̱m Ágwo̱m yir aYeso dide̱ng koakye izen, kamok yin ren yin ye itomong yin ta nye yin kamok Agwo̱m Ágwo̱m yir aYeso se bap baꞌ.

aMatiyu 16:19

Mi tà ka no̱o̱k akarak kanukutu rigwo̱m kaza. Ike̱ng iya ne wan ros nazatse i ta se nurosom kaye̱e̱r kaza. Ike̱ng iya ne wan bisik nazatse i ta se nubisik kaye̱e̱r kaza.”

Ike̱ng a ta tonong aYohana 3:7

“Zibir amaleka ikilisiya aFiladefiya'me ye: Rife̱ na ne nufe aner aya a ta se zhe̱l ne a be katsak, wu ne a be agbang akarak aDauda. Ike̱ng iya wu ta karak akak ta kyem a whe̱e̱n baꞌ, ike̱ng iya wu ta whe̱e̱n akak ta kyem a karak baꞌ.

aKolosi 4:1

Yin átekasa nye yin be ásam yin gye̱r ne i se yin whiwhe̱ kamok yin ren yin ye yin gip yin be yin Atekasa akak kaye̱e̱r kaza.

aRom 13:6

Ike̱ng iya i ta sak yin ta karang yin itso̱m iben, kamok áko̱k kasho̱o̱n nye ásam Adakunom áya a ta no̱o̱k izen ba kamok itomong kube ánerawe.