aMarkus 13:32 - Izere New Testament

³² “Amma akak ren kunom'e ka izen'e dim baꞌ, ko ámaleka a ta se natoon kaza ka Igon'e gip, ma ke Ada'me wu ze̱r tsek ne a ren.

aMarkus 13:32 Referans Kwoze

Itomong Ámanzo 1:7

Ayong aYeso fe̱ be ba ye, “Sang i nye ife yin tana ren yin izen'e ka kunom kuya Ada tan sak kaye̱e̱r kushim wu baꞌ.

aMatiyu 25:13

“Kamok anong, yin sor yin be kanye̱k, kamok yin ren yin kunom'e ka izen'e baꞌ.”

Ike̱ng a ta tonong aYohana 3:3

Kamok anong, yiring be ike̱ng iya wan ta fok i ta shan. Kuus nong ta shishing kuse wan. Amma ke wan dorok baꞌ, mi tà be̱ kyo̱ndi akpatang, wan tà ren izen iya mi tana be̱ baꞌ.

aMatiyu 25:6

“Natite katuk ne ba fok akililiu ye, ‘Aner a tá sok abining afas ame saase, wuruk yin, tu ku shan yin niren.’

2 aBitrus 3:10

Katuk kube̱ Agwo̱m Ágwo̱m bu se kyo̱ndi kube̱ akpatang. Katuk kayong a tà fok riwo̱ng be agap ne kaza wei, cice̱r ike̱re̱ a tin nye kaza be kaben a tà shosh. Koakye i ta se nune̱re̱ng kaye̱e̱r'e a ta tun kanang nasho̱o̱n Adakunom.

aMatiyu 25:19

“A tá fa sor cie̱k ne atekasa ba ame be̱ nong a ta fa ike̱ng ba tin nye be itso̱m a tú ku no̱o̱k ba ame.

Ike̱ng a ta tonong aYohana 1:1

Kufumung na se natoon ike̱re̱ iya Adakunom tá no̱o̱k aYeso Kiristi nong a ta tonong ásam wu ike̱re̱ i tan be̱ barak a tana nye dim. aYeso tom amaleka wu nufe asam wu aYohana nong a ta se tak kutom'e.

aMarkus 13:31

Kaza be kaben ta gor amma rife̱ mi sen gor ze̱r baꞌ.